عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
خواتي حابه اقوولك موضوعي وانتو احكموا
انانزلت موضوع قبل فتره ابيع فيه فستان فصلته عند مصمم ب3500 وطلبت البيعه بالف وخمس ميه
كثير طلبوه بس لانه قصير سبحان الله طلبته مني عضوه اسمها( كرميلة ززوجي) تفاهمت معها كل شي اخذت رقم الحساب يوم 24 /3 كان بالليل تنزل الرواتب قالت بحولك قلت اوكي مجرد ماتحولي ارسلك الفستان عدى اربعاء وخميس وجمعه جاء السبت قالت لي انتي حسابك الراجحي وانا بنك الرياض بدور قلت اوكي جاء السبت بالليل قالت لي الله يخليك ارسلي الفستان بكره زواجنا نهاية الاسبوع فديكس يطول 3 ايام وهي من جده وقلت والفلوس قالت الصبح بطلع لبنك الرياض اودعها يعني مو تحويل وبنات والله اعطيتها الثقه تحلف جاء الاحد الظهر ارسلت لي رحت اودعت المبلغ يقولون يومين وتوصل صدقتها طلعت العصر للفيديكس ووارسلته قال الثلاثاء بالليل يوصلها وارسلت رقم الارساليه عليها واختفت وكل شوي اشيك ع الحساب وجاء الثلاثاء بالليل ماوصلني بالحساب شي وهي استلمت الفستان واختفت اتصلت ع جوالها مقفل لما جاء امس الخميس الصبح انهارت اعصابي تدرون ليه لان جوالها مو مقفل محول لاني ارسلت لها رسايل تستلم باسلوب راقي ومحترم نهائي سافهتني ارسلت هاوشت قلت بذمتك ليوم القيامه وانتي كذبتي علي طيب ليه ماقلتي ارسلت لك من فساتيني الثانيه هذا غااااااااااااااااالي وجديد وبشنطته وحزامه واكمام يعني خساره علي ماردت الا بالليل تدعي وتهاوش وقالت فستانك مابيه وزواج ماعاد عندنا
ضيعت رزقي وفستاني اشبوع كامل ماترد وهو عندها ومع كذا جلست اهاوشها قلت الله لايحللك اذا كنتي لابسته وخلصتي لان الاحد قالت نهاية الاسبوع مستحيل يلغى زواج يعني لو بحلف لبسته
وتجلس تسب حيوانه انتي قليلة ادب ماتستحين لاتتصلين علي ولاتدقين تخيلوا وللان محوله جوالها وارسلت قلت الله يفقدك اغغلى ناسك ان كنتي كذابه ببساطه ترسل وتقول لاتدعين واحترمي نفسك لاجيب المقص واقص فستانك يازباله شوفوا وشلون
ارسلت ردي طيب ع اتصالي بنتفاهم محول للان وش الحل ؟؟؟؟؟ ابي رقم الثابت الله يعافيك ساعدوني ابي فستاني يرجع مابي فلوووووسها
