عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قسم بالله واصله حدي من القهر والحسر
زودن على همي نشبت اللقمة بحلقي
اصلا مافي لقمة هنية وهم وراي وما خلوني بحالي
الحين عنوسة وذقتها بسببهم
طلاق وذقته بسببهم
وراتبي كله اصرفه عليهم وما خليت ينقصهم شي
وعلي ديون عشان البي طلباتهم اللي ماتخلص وليتهم يحسون
واللحين جايه من الدوام تعبااااانه
ومن الفجر رايحه للدوام وما أجي الا العصر
اقول جوعانه ابي الغداء
يقولون بكل وقاحه
اليوم مافي غداء
ليش ؟؟ خير انشالله
اسطوانه الغاز خلصت و نبي نعبيها العصر ( عذر اقبح من ذنب )
طيب وأنا ؟؟؟؟!!!!
قايمة من الفجر وماحطيت لقمة بحلقي
عادي انتظري
انتم شبعانين نوووم وتوكم افطرتوا
مافيكم الجوع والتعب اللي مقطعني
مافي رد ( طنشوا )
يعني ماهميتهم
ليش طيب ليش ؟؟
انا ماسويت لهم شي يزعلهم وماقصرت عليهم بشي
واستغلوني وانا اشوف وراضية واقول يابنت مو خسارة فيهم هذولا اهلك
محد هدم حياتي الا ابوي وامي
خطبني واحد ما احلم فيه وعمري 18 سنه
وهو واهله شاريني
ورفضوا الله لايوفقهم
وقعدت لين صار عمري 24 سنه
تقدم لي مطلق وخذيته غصبن عنهم مع اني مو مقتنعة فيه
وطليقي طلع ردي ومايستاهلني ولأسباب كثيره تطلقت
ومن يومها لليوم عمري 29 سنه لا زين ولا شين طق بابي… كله بسببهم
انفطر قلبي على طفل يقول لي يا ماما
انفطر قلبي وانا اشوف اللي اصغر من تزوجوا وصاروا امهات وانا اشوفهم واتحسر
ادري نصيبي وقضاء وقدر بس مو يرفضون اللي تقدم لي ويقولون نصيبك<< مو كل شي نرميه على النصيب
ما غير عايشه حياتي من الدوام للبيت ومن البيت للدوام
ابي اسافر << ممنوع قسم بالله زهقت طفشت ضاقت فيني الدنيا على وسعها
كل شي منقود
اللبس لازم يرضيهم… ومايرضيهم الا ذوق خالاتي وعماتي واللي من زمن جدتي
يا ناس لي احساس لي مشاعر لي رغبات لي نفس
لالالالالا مايصلح
صرت اتمنى الموت بسببهم
اصلا لو فيهم خير كان الناس يبون قربهم ويبون يناسبونهم
عندي كلام كثير بس هذا اللي انفجرت فيه الحين
اللهم احييني ما كانت الحياة خيرا لي و توفني اذا كانت الوفاة خيرا لي
……………………………………….
يارب سامحني واغفرلي وارحمني برحمتك
وفرج همي ويسر امري يارب العرش العظيم
يابنات لاتلوموني اذا كتبت كذا عن اهلي
اذا ابوي وامي اللي انا بنتهم من لحمهم ودمهم ماحسوا فيني وماحنوا علي من اللي يحن علي
من يوم تطلقت محد جرحني بكلمة مطلقة وفاشلة الا ابوي وامي…… ليه طيب ليه؟؟
فيه اهل يقولون لبنتهم مانبي نزوجك لأنك منتي كفو زواج
والا امي تمدح في كل بنات الناس على ولا شي وتقاهرني وتقول هذولا البنات اللي ربي رزقهم لأنهم احسن منك… ليش؟؟؟
يعني غصب اعقهم… مثل اللي يرمي خويه في البحر ويقول لاتغرق…. شلون يعني وش اسوي؟؟؟
اذا اقرب الناس يسوون كذا وش اقول في الباقي
ارحمني برحمتك يا ارحم الراحمين
………………………………………….. ……………………………ز
مشكلتي اني استنفذت طاقتي في الصبر كااااااملة
وصلت حد الانفجار واغصب نفسي واتراجع
يعني كل هالمعاناة وانا في بيت اهلي
اجل وش اقول في بيت الزوج والا بيت اهله
منين بجيب صبر زيادة
تخبرون احد يبيع صبر… ياليت بالدرزن اذا فيه؟؟
استغفر الله العظيم من كل ذنب عظيم
والله يابنات اني ارفع يديني وادعي لهم بالصحة والعافية وطولة العمر
بس يقاهروني ويقللون من قدري واكرههم غصبا عني
من تصرفاتهم معي
والله اني قلت لأمي
على كثر ما احبكم تأكدت انكم تكرهوني
غصب يابنات هذا شعوري وانطباعي غصب
ياربي تهديهم وتحنن قلوبهم علي يارب
