عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم صبايا
جيت اليووم افضفض …
يمكن البعض يعتقدها تفاهه لما يفضفض عن شي مو مهم مره
بس اقلها ما اكتم بقلبي
لان حاز الموقف بقلبي حيييييييييييييييييل وربي …
بنات انا متزوجه ولله الحمد …. وزوجي مكان شغله بعيد عني … الحمد لله تأقلمت مع هالشي
وهذا هو ربي ان شاءالله يوفقه وينقل ( ادعو له ) … ماعلينا
خويتي اللي معي بالدوام مرررره مقربه مني … يعني نطلع سوا ونجي سوا وافكارنا حييييييييييل متشابهه …
لدرجة ان لما يصير لي شي لازم يصير لها والعكس ….
انخطبت البنت (ملكت )… وزي ماتوقعنا خطيبها يشتغل بعيد عنها… اول ماانخطبت جلست اهون عليها
واقول لها عادي …يعني من هالكلام لاني ماره بهالشي ….
وصرنا نسولف لبعض اكثر عن مرارة ان يكون شريك الحياه بعيد وان الوحده تشتاق له وتحتاج له ومن هالحكي ….
يعني تعودنا نقول لبعض كل شي … حتى لما ننقهر من شغله معينه بأزواجنا…
زوجها شغله من النوع اللي يروح شهرين ويجي شهر
وكانت تسولف لي كل يوم انهم متأزمين نفسيا وان الشقه للحين ماخلصت وان العرس قرب وان اساسا حزة العرس ماعنده اجازه ومن ذا الكلام …
وكانت دايم تقول لي ..انا استحي منه ومقدر حتى اعطيه كلام حلو وانا جافه معاه ومقدر اكذب واسوي شي ماابغاه ( زي البوسه وهالخرابيط ) واني احس نفسي اتقزز وان وان وان
وانا كنت اعطيها نصايح … لا ياقلبي مايصير كذا … حاولي تقربين …قولي له كذا وسوي كذا ومايصير كذا … يعني نصايح بريئه تكسر هالحواجز
وفي اليومين اللي راحو كنا نفكر سوا وش تسوي بالزفه … وكيف مع الشقه … وبروفة الميك اب …وكل ذا الحكي على اساس انه مو موجود وانه بشغله اللي بالمنطقه البعيده
المهم ….
صبح صباح ذا اليوم …
انا وياها نروح الدوام بسواق واحد بحكم ان زوجي زي ماقلت بعيد وهي خطيبها بعيد بعد
كلمتني الصباح تقول يافلانه ترى السايق مايقدر يوصلنا اليوم وانه بيسافر وماندري شنسوي
قلت طيب والدوام كيف نروح ؟
قالت امممم انتي كلمي فلانه خويتنا خليها تمرك انتي
قلت طيب وانتي
قالت انا بدبر عمري بخلي واحد من اخواني والا عمي يجيبني
( وانا ادري ان اخوانها باشغالهم وعمها يزورهم بالسنه حسنه….وبس لهنا وخلصت عايلتهم )
استغربت وقلت كييييف يعني … طيب طيب بكلم فلانه اشوفها
كلمت خويتي الثانيه قالت والله انا وصلت الدوام …قلت خلاص حنا ندبرها ….
كلمت سواويق ثانيين كلهم اعتذرو
كلمت خويتي وانا متضايقه وقلت لها يافلانه ترى ماحصلنا احد يودينا …
ردت علي بالحاح …قولي لسواق فلانه يرجع ياخذك ويوديك الدوام وانا بدبر عمري
قلت مايصيييييير كيف اخليك … وانا ادري ان ماعندك احد … وبصراحه استحي اقول لها قولي لسواقك
يرجع ياخذني خصوصا اني مو علي الطريق…..
المهم …
اخر شي قررت معها ان حنا نتأخر ساعه ندبر فيها سواق وقالت اوك …
شوي الا كلمتني وقالت لي ( تجهزي…. الحين بمرك ونروح الدوام )
قلت…امممم زوج اختك بيودينا ؟؟؟
قالت ( لا ….. خطيبي )
انا انصدمت شوي بالبدايه ….
قلت اوك …
رحنا الدوام يابنات …
بالطريق ليما الدوام ..طبعا بغض النظر اني حسيت نفسي اصبع سادس ….
طول الطريق وهم غزل ببعض ورومانسيه وضحك
عليهم بالعافيه بالعكس الله يهنيها
بس حز بخاطري حيييييييييييييييييييييييل شيئين
انها ماتبغى تعلمني ان خطيبها جا وتسوي روحها متوهقه …. كيفها هي وخطيبها
بس حسيت كذااااا انها خايفه اني احسدها مثلا ان خطيبها معها وانا لااااا
والشي الثاني …
جلست استرجع كلامها عن انها تقرف منه وانها ماتعطيه وجه وانها ماتقول كلام حلو وانها وانها وانها
واللي شفته اليوم غيييييير بكل المقاييس …. برجع واقول لكم كيييييييييفها هي مع خطيبها
لكن بعد حسيت اني انقهرت شوي …. طيب يعني خايفه نعطيك عين مثلا ؟
حتى انا زوجي بسم الله عليه يموت فيني ما شالله ومو مقصر علي لا بالرومانسيه ولا بشي ثاني
وجلست اتذكر موقف ثاني قبل كم شهر
لما مرتني علشان الدوام وعطتني غرشة ماي وقالت لي شربيها وماكنت عطشانه وماشربتها خليتها
بالسياره ..
وفي غرشه ثانيه عطتها خويتنا الثانيه وهذيك شربت منها شوي …
وبعد كم يوم تقول لي اني قبل كم يوم كنت متضاااايقه موووووت وماني قادره اتنفس واحس مخنوقه
وقالت لي اختي ان يمكن فلانه خويتك ( خويتنا ) حاسدتك ,,شربي وغسلي وجهك من شي هي مستعملته …واني عطيتها المويه ويوم غسلت وجهي من بعد فلانه حسيت براااااااحه ورجعت اوكي ..
اول شي سكت … بعدين قلت لها … علشان كذا عطيتيني المويه انا بعد ؟
يعني كنتي تتوقعين اني حاسدتك وجيت انا ببرائتي ما شربت منه ؟
قامت تضحك وغيرت الموضوع
جلست اتذكر كل هذا
والله وظليت بداية الدوام وانا متضاااااااايقه
ادري شي يخصها
بس ليه تفكر ان حنا بنحسدها
يعني انتي خويتي وتدرين انك اقرب لي احيانا من اهلي وتدرين اني اعزك واتمنى لك الخير وبفرح لك
وتذكرين يوم اقول لك اني ماهمني عدد الصداقات اللي اكونها بس اهم شي عندي انتي وفلانه
ياما سولفنا سوا ياما ضحكنا سوا وياما اكلنا سوا
ياما فضفضت لك وفضفضتي لي
ياما بكينا سوا
ياما تشاركنا همومنا سوا
ياما استغربنا من شدة ان اللي يصير لك يصير لي
نسيتي يالغلا ؟
ترى مو انا اللي احسدك والا انقهر لا شفتك مبسوطه وانتي تدرين
وحطي ببالك ..
والله ان كل مره ادعي لي ولزوجي …. ادعي لك من قلبي لاني حاسه فيك
اتمنى ان يوصلك الكلام وتقرينه
لانك اليوم …
حسستيني اني حقوووده وحسوووده …
فكري شوي باللي قلته ………………………………………….. …………………………………….
و بس
