عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
هذا قسم افتح قلبك وابي افتح قلبي لكم على الاقل اهون على نفسي شوي ابي ارتاح تعبانة جد
مشكلتي مع اهل زوجي من يوم تزوجت
اولا للأمانة ام زوجي والله طيبة معايا وتعاملني بالحسنى وتشتريلي اغراض وهدايا كلما راحت السوق وانا والله ما انكر هالشي ابدا عليها
لكن هي الله يسامحها ويعفو عنها ويهديها لما يصير شكل بيني وبين بناتها توقف في صف بناتها وهي ورب البيت ورب البيت ورب البيت شايفة وعارفه انه بناتها هم المخطيين ، بس مدري ليش تصير ظالمة معايا في هذي الحالة << وربي تبي تنزل دمعتي خلاص
انا يابنات ماعندي ام اوكي ؟؟؟
بقولك شوي من المواقف اللي تعرضت لها معاهم
1) من يوم حملت ، لما رحت اسوي تحليل الحمل ورجعت بيتي لقيت ام زوجي تنتظرني عند الباب تبي تعرف نتيجة التحليل وقلتلها طلعت حامل ،، راحت على طوووووووووول خبرت بناتها ،، اوكي مافي مشكلة ، رغم انهم اعرفو قبل هلي اللي هم هلي ،،، لكن مافي مشكلة انا حسيت الوضع عادي بحكم اني ساكنة قريب منهم في نفس المجمع
لكن يوم احملت بنتها ، حماتي كتمت علي ولا خبرتني ، وانا كنت اخر من يعلم ،، اعرفها حماتي تخاف من العين ،،
طيب السؤال هنا : ليش يوم انا حملت القاصي والداني عرف بحملي ، ويوم بنتها احملت كتمت على الموضوع ؟؟؟؟
2) في خلال فترة حملي كانت تموووووووووت وتعرف وش في بطني بنت ولا ولد ،،، ويوم عرفت ورب البيت يا بنات كل بناتها عرفوا ،، واللي يقهر انه حتى سلفتي عرفت اني حامل ببنت ، وطبعا سلفتي بحكم انها تكرهني ولله الحمد ،، جلست ترقعني بالكلام انه البنت المجتمع مايبيها ومن هالكلام
المهم :
في مرة كنت جالسة عند اهل زوجي ، وكانت موجودة اخته الصغيرة وامه معايا نتقهوى
راحت اخت زوجي قالت يارب اختي تكون حامل بولد ، عشان يصيروا اثنين اخواني جايبين بنات و2 خواتي جايبين اولاد ((البنت مسكينة على نيتها تتكلم)) راحت ام زوجي ناظرتها بقوة نظرة تعني انكتمي لا تتكلمي، كانت خايفة انه البنت تقول وش جنس الجنين ببطن اختها
طيب السؤال : ليش حماتي تكتم على بنتها جنس الجنين وعلي تبي تعرف وتنشر للعالم والناس بدرجة سلفتي عرفت جنس الجنين عندي ؟؟؟؟
3) في مرة من المرات كانت في سلفتي وجاء اخو زوجي شاتني بالكورة في وجهي شوته قووووووية انفقعت اذني ، رحت هاوشته
الا اخت زوجي بغت تضربني وانا اذني محمرة من الالم ، وجلست تتكلم علي وتقولي ما تحطين عقلك بعقل بزر ، وانتي وانتي وانتي وانتي وطلعت عيوب الدنيا فيا والولد الصغير يوم شاف اخته تتكلم علي راحت مد ايده علي وبغى يضربني ((منتهى قلة الحيا)) رحت انا قلت لأم زوجي خلاص انا مابجي عندكم طالما الوضع كذا
بعدين مر كم يوم الا ام زوجي تتصل علي بكل ثقة وبكل برود تقولي تعالي عندنا وراك ما تجين <<<< 😡
مدري هي تستهبل ولا وشو ،، يعني مو عارفة ليش انا ما بجي ؟؟؟ وهي شايفة وش صار علي من عيالها ؟؟؟
المهم وراحت تنشر للناس اني انا منطوية عن الناس وما احب الناس ومن هالكلام وهي عارفة ليش انا ما صرت اروح عندهم
لأني رحت كم عزيمة واحس الناس تناظرني بخوف يحسبوني مريضة نفسيا ومنطوية وجاتني كم كلمة ترقيع بالكلام فعرفت انه حماتي واهل زوجي عموما متكلمين علي كلام مو بزين عند الناس
انا هنا زعلت زعلت حيل وقلت لازم المرة هذي اتكلم
وفعلا جاء يوم وقالتلي حماتي تعالي عندنا قلتلها يا خالة انتي عارفة ليش انا ما اجي ، خلاص انا ما ابي اضايق احد
راحت قلبت علي 180 درجة (( تخيلوا الحرمة الطيبة اللي تجيب هدايا وتحبني اشلون صارت))
تكلمت علي وقالت انتي اللي تتضايقين ، وانا اعرف بناتي زين وانتي تتخيلين اشياء من راسك …. وكلاااااااااام واجد حسيتها ماسكة علي جرد سنة
انا هنا انكتمت
قفلنا السماعة وانا خلاااااااااااااص صرت بس اصيح اصيح اصيح
تمنيت الموت ولا اليوم هذا
عرفتها حماتي :
1) تداري وتكتم على بنتها وتزعل لما اسألها على نيتي على بناتها واحوالهم واحس ما تبيبي اعرف ، وهي تموت وتعرف كل صغيرة وكبيرة فيني ، وتروووووح تنشر لبناتها ومن بناتها على الناس اجمعين
2) هي طيبة معاي لكن يوم يصير شي بيني وبين بناتها تصير وحش علي
الحين حمات مقاطعتني ولا تتصل ولا تسأل ولا شي ، ومسوية زعلانة حيل ، وانا سويت نفسي مو فاهمة وممشية الامور لكن جرح كبيـــــــــــــــــــــر في قلبي
شسوي بنات ؟؟؟؟
انا اختصرت كثير في كلامي ، لكن ذكرت اهم شي تقريبا
