عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
انا مشكلتي اتعبتني مره وعارفه اني غلطانه
بنات انا احب واحد وجلست معه سنه وحده وفي يوم من الايام وانا اكلمه ومحد يدري بعلاقتنا
سمعني اخوي وهو واقف عند الباب سمع صوت رجال بغرفتي لاني كنت وقتها اخر اليل وحاطه سبيكر وغرفتي بجناح
مستقل لانه بعيد عن اهلي سمع صوت الرجال وانهبل فتح باب الغرفه وحصله مقفل على طول انا شغلت
الفيديو وكذبت عليه انه صوت التلفزيون بس هو كان متاكد
بصراحه اخوي هذا مريضآ نفسيآ دايم يحب انه يطقنا ودايم يتلفظ على امي ودايم مايحترم اي شخص
بعد الموقف هذا كان اخوي يراقبني ويشوف طلعاتي وحركاتي وياخذ جوالي بعض الاحيان
بس مالقى اي شي علي لاني كنت حاطه جوال ثاني
بعد فتره شاف دفتر لي كاتبه عليه محمد حبيبي
هو شاف الاسم ولا وماشافه صار يتهاوش معي ويحاول يتحرش فيني عشان يسبب مشكله 😀
قمت اقنعت محمد انو لازام ابطل اكلمه لاني تعبت بالحاله هذي ومااقدر اكمل وانا جوي مشاكل
قال بجي اخطبك وخلاص انا مجهز كل شي ورفضت لاني وقتها مو مستعده لشي اسمه زواج
تركته بس اسبوع قام ارسل امه وخالته لبيتنا عشان يخطبوني عشان يحطني بالامر الواقع
قبلت وانخطبت رسمي له وملكنا
اخوي شاف الاسم والصوت وتاكد انه هو الي يكلمني وكان وقتها يحاول ويحاول انه يفركش زواجي
بس الحمدلله تم الزواج 😆 hy:
يوم تزوجت ارتحت اني من حاله الرعب الي كنت عايشه فيها
صرت احط راسي على صدره وانا مو خايفه من اي شي راح يوقف علاقتي به لاننا بالحلال
بعد زواجي صرت ازور امي كل اسبوع وكان اخوي يتحرش فيني وكنت اطنشه عشان امي
😆 🙂
اخر مره زرت امي قام تهجم علي بالكلام الوسخ وكنت وقتها تعبانه حيل لان معاي السكر والغده الدرقيه
واعصابي تلفانه قمت رديت عليه قلت مالك كلمه علي ولاعاد تتكلم علي انا الحين بذمة رجال
قام وسب زوجي قدام خواتي والبزران وانقهرت
لدرجه كان يبي يطقني 😆
قلبه مريض جدآ جدآ
واسود وكله حقد والحركه هذي ماصلحها معي انا وبس
صلحها حتى مع خواتي الكبار المتزوجات
والمشكله امي تشوف حركاتها ولاتقدر تسوي اي شي
الموهم دقيت على زوجي وقتها وقلت تعال خذني وكنت اصيح من القهر الي فيني 😉
قام زوجي يوم وقف عند بابا اهلي تطاق هو واخوي زوجي ماشاءالله عسكري ويده حاره مره
اذى اخوي مره وكان وقتها كني بكابوس
يوم ركبت السياره معه قال ((حرام رم علي ب3 طالق ))
اذا قلتي لي ودني لهلي تراني علمتك
والحين لي 3 اسابيع ماشفت لا امي ولا خواتي
واقول لزوجي ابي اشوفهم ويقول ناديهم بالبيت عندك لكن انتي تروحين لا
وامي رافضه تجي لبيتي
وانا بين نارين بين اهلي وزوجي 💡 😐
تكفون عطوني حل بنات الله يفرج لكم
((ربي لاتذرني فردآ انت خير الوارثين ))
