حجم البويضه

السلام عليكم ورحمة الله وبركاته…..

وكل عام وانتم بخير

كيفكم حبيباتي ..ان شاء الله ما يطلع رمضان الا وكلكم حوامل انه على كل شي قدير..

حبيت اسألكم واشارككم همي يمكن فيكم من قد مرت بحالتي وتقدر تساعدني…..

انا بدأت الشهر اللي فات تنشيط للمبايض (انا متكيسه قديمه جدا للي ما يعرفون قصتي 😆 🙂 )المهم الشهر اللي فات اخذت كلوميد من ثاني يوم الدورة وتاسع يوم رحت اعمل متابعه تبويض كان حجم البويضه 11 قالت لي خذي ابرتين جونال اف اخذتهم وعملت ثاني متابعه يوم12 كان حجم البويضه20 قالت انتظري لبكرة من بكرة عملت ثالث متابعه وصل حجم البويضه24 واخذت ابرتين تفجير ….والحمدلله على كل حال ما صار حمل

هذا الشهر لما جات الدورة بدأت بالكلوميد من ثاني يوم وتاسع يوم اخذت ابرة جونال اف واليوم 11 عملت منابعه وكانت الصدمه ان حجم البويضه 9 فقط!!!!!!!!!! 😳 المهم اخذت ابرتين جونال اف ورحت اليوم 13 طلع حجم البويضه11 فقط؟؟؟؟؟؟؟؟؟؟يعني الابرتين ما كبروا البويضه الا2 ملم فقط كلمت الدكتورة قالت خذي ابرتين كمان ؟؟؟؟؟؟؟يعني خمس ابر جونال اف في شهر

طيب الشهر اللي فات ابرتين بس ووصل حجم البويضه24 ليه هذا الشهر ما كبرت رغم انها خمس ابر؟؟؟؟؟؟؟؟؟؟؟؟؟

اخواتي الله يسعدكم اللي قد مرت بتجربة مثل تجربتي تقول لي واوعدكم بكرة لما اروح اعمل اخر متابعه اقول لكم اش صار معايا

والله يرزقكم الذريه الصالحه المعافاه