حب الشباب اختفى والحمد لله ..

بـ صراحه هـ الموضوع صار لي فتره بـ اكتبه لكم بس انشغلت ..

انا حب الشباب كان مطلع لي عيوني ..
ماخليت ولا بقيت خلطات وكريمات ومستشفيات ..
وجربت مجموعات كثيره للعنايه بـ وجهي بس مافي شيء فاد معاي ..

وبالاخير رحت للصيدلي وقلت له ابغى مجموعه لـ حب الشباب ..
قالي نيتروجينا .. ومجموعة كليراسيل ..
وطبعاً اشتريت مجموعة كليراسيل .. لان نيتروجينا احسها دعايه على الفاضي .. ماتعجبني مررره ..

هذه صورة المجموعه ..

1 – الغسول ..
2 – التونيك..
3 – كريم حمايه الليل والنهار ..
والانبوب الصغير .. هذا لحب الشباب ..
وفي كمان انبوب ثاني للبقع والكلف ..

وهذه طريقتي للعنايه بـ وجهي ..

اغسل وجهي بالغسول مرتين باليوم .. لما ابغى انام ولما اقوم من النوم ..
وامسح وجهي بالتونيك .. بدون مااغسله من وجهي ..
وبعد ماينشف احط كريم الحمايه على كامل وجهي وحتى الرقبه .. بس مااحطه حول عيوني عشان مايجفف هـ المنطقه وتتقشر ..
وبعدها اخذ الانبوب تبع حب الشباب واحطه فقط على الحبوب اللي في وجهي ..
ومااخلي الانبوب يجي على شعري لانه مو زين على الشعر ..
واغسل يدي على طوووول عشان يدي ماتتشقر ..

بعد اسبوع تلاحظي ان وجهك بدأ يتقشر وبدأت الحبوب تخف .. 😥

هذا المقشر ..

والمقشر استعمله مرتين في الاسبوع .. او يوم بعد يوم ..

وبـ صراحه قررت اشتري انبوب البقع والاثار .. واترك انبوب حب الشباب لان الحبوب اللي في وجهي اختفت الحمد لله ..

وصار لي شهر على المجموعه ولاحظت ان وجهي صار صافي ..
وماصارت تطلع لي حبوب زي زمان ..

ملاحظه .. اللي يناسبني يمكن مايناسب غيري .. يعني مو اذا وحده ماناسبتها المجموعه تدعي علي ..
علماً ان بشرتي حساسه بس فادت معاي المجموعه ..