حبيت أفضفض ما عندي أخواات ؟؟ إدعولي

وبعد فترة وجيزة أراد أن يقابل أعمامي ( أنا فتاة يتيمة ) وأعمامي هم المسؤولين عنا ،، وعندما بلغنا أعمامي أن شابا يريد أن يتقدم لخطبتي ،، وأن أمه من تكلمت مع أمي ،، وأنه الآن يريد أن يكلم رجال العائلة ،، تقسم أعمامي لحزب معارض وحزب موافق ،، والحزب المعارض أقوى من الحزب الموافق ،، وتأخرو كثيرا في مقابلة حبيبي ،، أحس والده بأن هناك شيئ في الموضوع فسارع للإتصال به وأخبره بأن لا يذهب لأعمامي وإذا ذهب ينسى أن له أب بهذه الدنيا …………………. هل ستنتهي هذه القصة بتفريق البطل والبطلة ،، أم حبهم سيقهر كل الظروف ؟؟؟!!!!

جد حزينة أنا وأحس أحلامي تدمرت خصوصا انا في كلية الطب وهو كمان معاي نفس الكلية،، وهو شخص متفهم ودايما يدعمني ،، من يوم ما صرنا نحب بعض ونحن نحصل على أعلى العلامات ،، وكل واحد يشجع الثاني ،، بس أحس في ظروف تفرقنا ،، تمنيت أبوي موجود بالحياة لأنه بيوافق وبيقتنع فيه بس أعمامي عقدو السالفة وأخرو المقابلة وكل واحد يعزم الثاني عشان يقابل الشخص ،، وأبو الشخص حس بالتأخير زعل لأنه أعتبرهم يصدون شخص من أحترامه دخل من الباب وهم قفلو الباب بوجهه علما أن أعمامي وأبوه ما يعرفون إنه بينا قصة حب تولدت بس أمهاتنا يعرفون والأمهات أكثر تفهما ،،

شو أسوي والله هالايام منهارة وأرسم البسمة على وجهي والسعادة عشان ما أزعل امي ولا أزرع فيها الهم،، وأحاول أدرس عشان ما يقل مستواي ويحسون بشي أعمامي ،، وطول الوقت أصلي وأدعي ،،،

حبينا تكون علاقتنا بالنور وقدام اهالينا مو بس أمهاتنا بس للأسف أهلنا ما تفهمو ،، وكل واحد يعاند ويقسى علينا << الله يسامحهم جميعا

هو قال راح يحاول مع أبوه ،، وراح يجي يقابل أعمامي بس إذا اعمامي صدوه قال خلاص ما ينفع نتكلم ونتعلق في بعض أكثر انا حابب تكون علاقتنا بالنور ،، ما أقدر أكون خاين لاهلك أكثر من كذا إذا رفضو يعني مافي نصيب ،، وهنا كبر في عيني إنه ما يبغاني إلا بالحلال ،، بس أنا عارفة أعمامي شوي شريرين ويتحكمون فينا وخايفة من أبوه إذا تأخرو أعمامي أكثر وأكثر