عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا فتاه عمرى 20 سنة طالبه فى كليه عملية باقى ليه السنة النهائية
طوال عمرى وانا انتظر ان اجد الانسان اللى احبه ويكون فيه صفات من اللى بتمناها
لا اشترط كلها لانه لا يوجد انسان كامل
المهم كان هناك زميل لى محترم جدا وفى مميزات كتير تقرب منى واحببته بجنون وتمنيته زوج لى وان اعيش معه باقى عمرى
صراحة انا صارحت اهلى وهو صارح اهله لكن الظروف الحاليه تجعلنا نؤجل فكرة ارتبطنا امام الناس
لكنى بتمنى اعلنها امام الناس جميعا ان الانسان ده هو اللى اخترته واللى حبيته واتمنيته
لكنه لم يجهز نفسه بعد
الانسان ده من كتر حبى فيه انا مستعديه اعمل علشانه كل شىء واى شىء طالما هايسعده
وبالفعل هذا ما افعله يجدنى بجانبه فى كل لحظه يحتاجنى فيها
احاول اسعاده قدر استطاعتى وصراحه اجده يشكرنى ويقول لى انى عملت علشانه اللى ما يتعملش
وانه مقدر ده كويس جدا وانه عمره ما هايجعلنى اندم فى يوم من الايام
عندما انظر حولى اجد انى مستسلمة له مقارنه باصحابى فى طريقة تعاملهم مع خطيبهم
صراحة هو عمره ما نظر لى نظره وحشة على العكس يقدرنى جدا احس انه يحتاج لى ويحتاج عطفى وحنانى وقربى منه يقدر كل ما افعله من اجله ويفتكر لى كل ذلك لكنى اخاف من المستقبل
ان اصبح مثل كثيرات اديت كتير اوى وضحيت كتير وفى النهاية كان جزائها ان تركها او بص لحد تانى
غيرها
ما اخاف منه ان يتغير الحال
وهل فعلا اللى بعمله هو ده الصح والا غلط؟هل المفروض انى اكون تقيله زى ما اغلب البنات بتعمل ؟وان اتمنع وابتعد واقترب حتى يتمسك بى اكتر ؟ هل مثلا كل ما يتصل بى ارد عليه زى ما بعمل والا اتركه فترة وازيد نار شوكه لهيبا
هل الصح انى اسهر عيونه واجعله مشتاق دائما منى للكلمة الحلوة والا اغرقه بيها واسمعه منها الكثير؟هو يحتاج لسمعها كثيرا كما احتاج انا
ارجوكم قولوا لى ما الصح؟ خاصة اننا قبل ان نكون احباب فنحن اصحاب واصدقاء يصارحنى بكل كبيرة وصغيرة فى حياته .
يصعب على ان افعل اى شىء انا مش راضيه عنه معاه فانا ارى ان من يحب يعطى ويعطى وهذا ما افعله لكن الخوف من الا يقدر هذا فى يوم من الايام وان يتغير الحال اريد ان احافظ على اكتر انسان حبيته فى حياتى ولم اتمنى ان اعيش مع احد غيره؟
شيروا على ماذا افعل؟؟
هذه قصة صديقتى وهى لا تعرف ولا اعرف ما هو الصح فى التعامل مع الحبيب
