حبايب قلبي فضلاً لاامراً اقرو اسالفتي ادعولي الله يحفظكم

السلام عليكم ورحمة الله وبركاته
بداية ارحب بكل الي بالمنتدى ويشرفني انضمامي لكم ضيفه جديدة بالمنتدى ودي افتح قلبي واسولف لكم عن مشكلتي وباختصار طبعا انا بنت زي اي كل بنت سعوديه تربيت في بيت على العادات والتقاليد الاسلاميه واعرف شنو معنى صح وغلط مشكلتي ما بدات من سن صغير بالعكس انا مشكلتي بدأت يوم كبرت وابي اقلكم كل الي صار معي وانشاء الله ما اطول عليكم بس ابيكم معي قلبا وقالباً بأختصار انا مريت بكل مراحلي الدراسيه من الابتدائي الين المرحله الثانويه وعمري ماتأثرت باي بنت تعرفت عليها كنت طول عمري اخذ الزين من صديقاتي وارمي الشين وراي واذا كانت في بنت تحتاج مني النصيحه انصحها كااخت لي وكنت اعامل الناس بالشي الي ابيهم يعاملوني فيه المهم وصلت لمرحلة الثانوي وانا ماتأثرت باي بنت من صديقاتي رغم اني اتعرف على بنات اقل وحده فيهم متعرفه على شابين او اكثر وبفضل من الله انا كنت ماشيه على نفس طريقي الي حصل انو بعد ماتخرجت من الثانوي مجموعي ما يسمح بدخولي الجامعه ولاني اكره شي اسمه روتين واكره اجلس بالبيت دخلت معهد للحاسب الالي واتعرفت على مجموعه من البنات بس والله العظيم كانو اكثر ضياع من بنات الثانوي وكنت اسمع اغلب مكالمتهم والشي الي ابي اقوله لكم اني متعرفه على بنت تسولف مع 10 شباب وتكلمهم بنفس الوقت والغريبه انها كانت تقولي مابيك تمشين بهالطريق يعني هي معترفه انو هالطريق غلط ومن كثر حبها لي كانت تخاف علي وهالشي كان حيل يضايقني لاني بعد ابيها تكون مثلي درست بالمعهد سنتين وبفضل من الله توضفت بعدها على طول ولانو انا حيل اجتماعيه قدرت اتعرف على كل الي بالدوام بفتره قصيره وحبيتهم وحبوني بس اقرب صديقتين لي بالدوام والي نمون ع بعض في هالفتره اكتشفت انو كل وحده فيهم تكلم شاب وللمعلوميه كل وحده علاقتها مع الشاب توصل ل 10 او 9 سنوات ومن غير اهلها مايدرون ولا حصل لهم اي شي في علاقتهم بدات الحين تدخلني الشكوك وبديت اقول بنفسي منو الصح ومنو الغلط انا ولا هم بدء الشيطان يلعب فيني ومع كلام خوياتي بديت اتأثر شوي شوي بداية سوو لي ايميل سري ما يعرفونه اهلي وفهموني وشلون افتح مايك واسولف وعلموني شلون ادخل شات واسولف وبان لي ان الموضوع جدا سهل بس انا الي مكبرته طبعا بنات انا دخلت عالم هالبنات خطيت اول خطوه معاهم بعدها بفتره اقنعوني اكلم شاب من مجال عملي وسهلو لي الموضوع وانو عادي وسولفي معه !!!! عفواً نسيت اقلكم شغله انا ما اسمع كلام امي كثير امي حيل عصبيه وانا اكثر منها تكلمني كلمه ارد عليها بعشره رغم اني ما اقصر معاها والله يا بنات انا اعطي امي كل حقوقها علي بس هي حيل عصبيه الله يحفظها كل ما اكلمها ترد علي باسلوب جارج وحتى صديقاتي ما تعطيني حرية الخروج معاهم وهذا هو السبب الرئيسي في ضياعي لأن امي محافظه علي لدرجة الجنون ولدرجة انها تخنقني بتصرفاتها معي وتحسسني اني طفله ولا يمكن اعتمد على نفسي وكل قرارتي هي الي تتخذها لي المهم بنات سولفت مع هالشاب لانه كان يكلمني كثير وما قدرت اخرج نفسي من هالموضوع اكتشفت بعده بفتره انه مطلق وعنده ولد ومن مكاالماتي معاه اكتشفت بعد ان عادته وتقاليده ما تناسب ابد عادتنا وانه مو سعودي اصل واحنا من عادتنا مانرتبط الا بقبيلي لانه طلب مني الارتباط
وصل الموضوع لا هلي واهلي عارضو الموضوع وارفضو الفكره كلها والين الحين هو ما يبي يتركني انا خايفه الموضوع يوصل لأهلي ويكبر اكثر من كذا انا ابي الله يخلصني من هالشخص انا الحين كسرت شريحتي وخايفه يوصلي باي طريقه بنات والله دخلت طريق مو طريقي وبديت احس انو الحرام له طعم ثاني واني دافنه نفسي بشي اسمه عادات وتقاليد في الفتره الي تركته فيها وعلشان انسى الخوف منه تعرفت على شاب من البلياردو اسلوبه عجبني كنت افتح قلبي له واسولف له عن كل مشاكلي واستمريت معه 9 شهور وخلال هالتسعه شهور الله الشاهد عمره ما استغلني ولا طلب مني اي شي ممكن ياثر علي هالشاب يخاف الله وخوف الله فيه اكبر من كل شي كان دوم ينصحني ويقلي ابعدي عن هالشي واسمعي كلام امك امك هي اقرب انسانه لك ولو ما تحبك ما تحرص عليك وانتي شفتي بنفسك اش صار فيك بنات انا اشوف بنات يقابلون شباب بكافيات ويروحون معهم لا استراحات الله يرفع عنهم ما ابتلاهم به بس انا خايفه اوصل لها المرحله والله ابي اترك هالشاب لانه انسان فيه خير ولو تركته الله بيساعدني ويساعده ابي احذف ايميلي هذا كله انا استغفر ربي كثير الحين واكثر من الصلاة على الرسول صلى الله عليه وسلم انا بصراع مع النفس مابي اشتاق له مابي ارجع له انا احس انو فيني خير كثير واقدر استغل هالشي بطريق غير الحرام يا جماعه ابوي متعلق فيني حيل ويحبني ويدللني وعمره ما قصر علي بشي انا متعلقه فيه واجد وخايفه يزعل مني خايفه افقد ثقته فيني انا احبه ومابيه يزعل مني تكفون ابي قلوبكم معي ابي دعواتكم ابي اترك كل طريق يوصلني للحرام انا الشي الي ابيه الحين ابيكم تشجعوني تدعون لي ابيكم توقفون معي تفتحون قلوبكم لي وكل بنت مرت في نفس الي مريت فيه تقلي سالفتها وتقويني اكثر ويمكن تكون مصيبتها اكبر من مصيبتي وتهون مصيبتي بعيني واقوى اكثر واكثر انا اعترف ان هالشي ادمان والحب اكبر ادمان بس يد بيد الله يخلصنا من هالشي انا اعلنت توبتي من يومين وحاولت اشترك بقروب التائبات والحمد لله متعلقه بصلاتي وتركت كل شي يوصلني للحرام من ترك شيئ لله ابدله الله خير منه ابي هالسم يخرج من جسمي انا رجاي بالله ما يخيب ادعولي الله يخليكم ادعولي الله يثبتني واكون قريبه من الله اكثر

لا اله الا انت سبحانك اني كنت من الظالمين استغفرك ربي واتوب اليك اسفه ع الإطاله هذا ما صار اختصار ساااااامحوني بس حبيت اقول الي بقلبي واريح ضميري ودعواتكم لي وجزاكم الله عني خير الجزاء 😳