عالم البنات النسائي كل ما يخص المرأة العربية من ازياء وجمال والحياة الزوجية والمطبخ
(السلام عليكم ورحمة الله وبركاته)
أخواتي الفراشات أنا راح ادخل في مشكلت بيتنا على طول عشان أنا من فترة كنت ناوية اني اكتبها بس النت كان عندنا مفصوول..
راح اقولكم قصة بيتنا/
أنا وأمي وأختي كنا عايشين في الفترة اللي قبل ماتطلق فيها أختي الكبيرة(قبل أربعه سنين) حياة مره هادية لدرجة أنو الجيران كانوا يجوا عندنا وبقولوا احنا جايين نطمن عليكم لايكون صارلكم شي لأنوا مانسمع لكم حس بالمرة وكنت أنا وأختي شخصيتنا مرره غير دحين كنا مرره اجتماعين ونحب المزح والضحك حتى صاحباتنا لما يشوفونا دحين يقولوا أنتوا مرره اتغيرتوا..
بس بعد ماأتطلقت اختي الكبيرة وجات عاشت عندنا أتغير حال بيتنا 180 درجة وأختي صارت دااااايما تسوي معانا مشاكل على مدار الاربعه سنين ➡
أختي أول ماجات عندنا والله العظيم ماكنا نقصر عليها في شي كنا نأجل خرجاتنا و تقريبا اليوم كله نقضيه مع أختي نجلس نسمعلها وناخد بخاطرها وننصحها أنو تنسى كل اللي صارلها وتبدأ تعيش حياتها من جديد (مع العلم انو احنا اصغر منها)
بس أحنا مع الايام كل واحده فينا أنشغلت في حياتها يعني أنا أنشغلت في المدرسة وأختي التانيه أنشغلت في المعهد ومع خطيبها وأمي أنشغلت في البيت وأبويا وأخواني الصغار ..
بعد شهرين …
أتحول بيتنا الى جحيم وربي ماأبالغ في كلمة (جحيم)
كانت دايما اختي الكبيره تعترض على كل شي على البيت وعلى الاكل مع العلم انوا احنا الحمد لله عيشتنا مو ناقصها شي
كانت دايما أختي الكبيره تقول لأمي انتي وبناتك ماتحسوا فيني مع العلم وبعدها أمي اهملت كل حاجه في البيت وصارت أغلب وقتها تقضيه معاها.
وبدأت مشاكل أختي اول حاجه مع أختي التانيه كانت تتكلم على صحبات اختي بطريقه مرره سيئه مع ان البنات مرره ماشفنا عليهم شي وواثقين انو البنات محترمات والمشكله انها تتكلم عنهم وقدامهم تضحك معاهم وتمدحهم وتروح بيتهم لدرجة انو احنا شكينا فيها انها عندها مرض نفسي 😐
وكانت تختلق لها المشاكل لدرجة انوا تصل معاها للضرب
ووالله العظيم ماصار يمر علينا يوم من غير ماتسوي اختي معانا مشاكل مرره مع امي ومره معايا ومره مع اختي
وصاروا الجيران ينزعجزن مننا ويدقون علينا الباب وقولون لنا وطوا أصواتكم..
ولمن امي تسألها أنتي ليش تسوي كدا تقول أنا أبغى أشوه سمعة بناتك عشان لا يتزوجوا ➡ 😐 😆 🙄
والله العظيم صارت نفسيتي انا واختي مرره تعبانه وكل اللي يشوفنا يقول مرره اتغيرتوا وصاروا الجيران أخدين فكره عننا انننا ناس حق مشاكل 😛 😉 😡
ونحنا سوينا كل شي معاها وديناها عند شيوخ قلنا يمكن فيها شي
ويقولو مافيها حاجه..
والله ضاقت فينا الدنيا ماعندنا احد يسمعنا ولا احد نقدر نفضفض له حتى أنتوا يالفراشات اللي أعتبركم أخواتي يمكن ماراح أقدر أتواصل معاكم واشوف ردودكم لأن اختي حلفت تقفل النت علينا
الله يخليكم ابغاكم تقولولي كيف نقدر نتعامل معاها وايش الحل؟؟
وادعولنا الله يخليكم وأتمنى ان تتذكروا كدشدش بكل خير……
