حالتي حاله

بنات انا ابدخل باالموضوع بسرعه
انا متزوجه لي سنه و3شهور
الاالحين محملت المهم بعد زواجي بتسع شهور
رحنا كشفنا اناوزوجي عن تاخر الحمل
انا سليمه لاكن زوجي عنده ضعف في الحيوانات المنويه
عطته علاج الدكتور كل علاجه شهر بس
وعقب ترك العلاج وله الحين 5شهور العلاج تاركه
السبب يقول ان الدكتورة تقول تقدرون تحملون بس فيك ضعف خفيف وعدد الحيوانات المنويه 8
صكت قلت مودي احرجه واضيق صدره مثل ماقصر راح من نفسه وخذ علاج لها
انااعرف زوجي لاتقولون قولي له كمل علاجك مستحيل انا عارفته راح يضيق صدره وبيقول مافيني شي
ونقدر نحمل من هاالكلام بنات انا سمعت ان علاج الضعف يطووول صحيح
طيب فيه امل نحمل اذا عدد الحيوانات المنويه 8
والله يابنات حالتي حاله كل يوم اصيح كل مارحت لهلي ابوي يقول لي ليش محملتي
روحي اكشفي عليك اخاف فيك شي
كل من شافني ماحملتي وكل اللي تزوجو معي جابو عيال وحملو
وكل ماقالو لي فلانه حملت وربي يضيق صدري ويتغير وجهي
ويضيق صدري وحتى والله احياننا ابوي يجرحني بكلامه مره امي تكلم ابوي تقول له عن وحده من جمعتنا انها حامل وانا معهم جالسه قال ابوي لاامي علمي اللي عندك قصده انا طيب انا وش دخلني
الناس تحط اللوم على الحرمه دايم مستحيل يقولون شي باالرجال
وربي انا اموت في شي اسمه طفل
يضيق صدري ان شفت اخواتي كل وحده معها طفل وانا اللي بينهم لا لان حنا البنت حدها خمس شهور وتحمل انا الوحيده اللي تاخرت
والمشكله زوجي منهبل يبيني احمل وكل يوم يجي يقول لي ان خويي حرمته حامل وفلان جاب ولد وربي يضيق صدري
وش اسوي قولو لي
ادري اني ازعجتكم بس حبيت اشكي لكم ماعندي احد اشكي له الاانتم بس
ادعو لي ان الله يرزقني باالذريه الصالحه