عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بصراحه انا من عشاق الجيز كيك .. ودايما اسويه في البيت
أمس كنت رايحه كافيه مع خواتي فطلبت قهوه وجيز كيك اوريو ….. يميميميميميم كان طعمه رووعه
فقلت لازم اني اسويه واخذت الوصفه من موقع وصفات اجنبي اثق فيه طبعا لان كل وصفاته مضمونه.
أدري طولت عليكم بالكلام والسوالف …
تفضلوا الوصفه
http://satfrequencies.com/girls/images/up/12219819311669303150.jpg
المقادير:
1 كوب بسكويت اوريو مطحون – تقريبا 12 حبه
1 ملعقه كبيرة زبدة
4 علب جبن كيري ( 24 حبة ) – تكون بدرجة حرارة الغرفه
6 ملاعق كريمة او قشطة
1 كوب سكر
4 بيضات
فانيلا
20 حبة بسكويت – اضافي مكسر باحجام مختلفة
الطريقة:
– نخلط كوب البسكويت مع الزبدة ونرصها في قالب الجيز كيك ونحطها بالثلاجه او الفريزر عشان اسرع يجمد
– نخلط الجبن والسكر والفانيلا والقشطة مدة 3 – 4 دقايق بالخلاط حتى تختلط المقادير وتصير مثل الكريمة
– نضيف البيض كل مره حبه واحنا مستمرين بالخلط طبعا مدة 5 دقايق
– نضيف البسكويت المكسر
– ندخلها الفرن حرارة معتدله مدة ساعه – وبعدها ان استوت نصك الفرن ونخلي الطبق داخل الفرن مدة نص ساعه
– بعدها ننقلها للثلاجه حتى يتماسك لحين التقديم.
– دايما يكون البيض المستخدم بدرجو حرارة الغرفه – يعني تطلعينه من الثلاجه ساعتين قبل الاستخدام
– الجبن يفضل يكون بدرجة حرارة الغرفة حتى لا يتكتل اثناء الخلط
– تقدرين تزينين الجيز كيك بطبقة شوكلاته مذوبة او كريمة مخفوقه
– احرصي ان تكون درجة حرارة الفرن معتدله حتى يستوي الجيز كيك بالكامل وما يكون بالوسط عجين ما استوى.
على فكره يا فراشات انا عضوه بمواقع طبخ اجنبيه وااااااايد . وكل وصفاتهم جديده ومضمونه اللي تحتاج اي وصفه ما عليها الا تقولي وانا حااضره .
وانشالله ما راح نبخل عليكم بالوصفات وكل مره راح اذكر لكم شي 🙁
