جيتكم بعد الغيبة ………بعد مفقدت جنينى

السلام عليكم

انا يا بنات من اربع شهور جانى الم فضيع فى ضهرى وماكنت اقدر اتحرك وما رحت لدكتور قالى انى حامل وانا اصلا عندى بنوتة عندها سنة وشهرين( وقتها ) وفرحت (وانا كنت حاسة اصلا) بس فال مافى دواء لضهرى غير مسكن(بنادول) وقلتلو كنت بحط فولترين وكريم اعشاب (فى كافور) قالى لا
المهم بعد فترة ضهرى اتحسن ورحت لدكتورة لمتابعة الحمل وقالت الكيس نازل كولى مثبت وبعد اسبوعين قالت كلو كويس والكيس اترفع والحمدللة وكانت بتدينى مع الفوليك اسيد فيتامينات(مجموعة)
وبعد شهر (فى اول الرابع)رحت اعمل اشعة التراسوند وكانت الصدمة الجنين فى مشاكل الراس مافيها جمجمة وكمان العمود الفقرى مش متكون زين وقالت لازم ينزل حتى لو كمل لين التاسع حيموت بعد دقائق خرجت من عند الدكتورة منى عارفة كيف
واللة يومين مابنام وبس عياط واكلمة ومانى قادرة اعمل اشعة تانى خيفة اتاكد من الكلام ياللة اموت جنينى
وبعد 4 ايام قررت اعمل اسعة مرة تانية واستودعتة اللة ودعات ربنا لو فى خير يحمهولى ولو فى شر يحلها من عندة
ورحت اعمل الاشعة والدكتورة تناضر فى الجهاز وتكشر لحد مجننتنى وتقولى مداد فى مشكل بابى ما فى راس بابى مشكل كبيييييييير قلتلها انا عارفة وشوية وتقولى مدام ما فى نبض مدام لازم سوى مهبلى وتحوس فينى شوية وتقولى مدام بابى مافى نبض بابى مات , ان للة وان الية راجعون استودعتة عندة وربنا ريحة وريحنى من مصيبة الاجهاض
وطبعا حجزونى تنويم وطلق صناعى وبعد ساعتين والا يجينى مغص شديد لكن اخف من الاجهاض وشوية وادخل الحمام (وانتم بكرامة) واحس بشىء بتفتح وينزل منى واصرخ بابى نزل ( لحضة ربنا ميعودها )
وبعدين جم كشف على واعدت الدكتورة تحوس فية لحد مطلعت المشيمة وقالت لسة فى حاجات تانية كتير لازم تنضيف وبعدين قالت لا تخدى طلق صناعى يمكن تنزل ويومين باخد طلق صناعى وفى الاخر قالت مافى حل لازم تنضيف وسوت تنضيف
والحين بقالى شهر بعد التنضيف ونفسيتى زفت وخايفة من تكرار الحالة دة الدكتورة قالت ممكن نقص حمض الفوليك وممكن عشانى اكلت فيتامينات ( فيها فيتامين أ و د ) فى الشهور الاولى وان شاء اللة مش حتتكرر
بس قلقانة وخايفة
بنات مين فيكو تعرف حالة كدة ؟
باللة عليكو طمنونى وردو ولو بدعوة واللى تعرف حالة كدة تقولى
واسفة على الاطالة بس من الى فينى