عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم صبايا ………..
بما انو القسم شويا ناايم وانا طفشااانه جات في بالي فكره إنما ايه
قلت ليش ياانوسه ماتنزلي تصويرك احم احم ومن زماان في راسي الفكره بس مافحالي
اصغر الصور وكدا الموهم اليوم راايقه الحمدلله وبنزل لكم بعض الصور من تصويري
بكاامي وعلى فكره مو اباكم تقيمو تصويري لاااا
بس للفرفشه ^_^
مرا من المرااات طفشاااانه بقووووه وانا من قبل سويت زي الدميه مو عارفه اش يسموها الموهم اختها وصورتها
ودي برضو
وبعدين اخت نصوص انا مجمعتها بس مش سعوديه يعني من دول عربيه وحطيتها فوق بعض
وبرضو اخت مكياجي طبعا انا طالعه دحين تالت تانوي وماعندي مكياج كتيير كلها كم قلووس وكم كحل
ويعني حركات بناات
من بدي شووب كلو الموهم دي الصوووره
وبعدين صورت حرفي وحرف توأمي وأختي وصديقتي ^^ الموهم تعرفو الحروف اللي تجي في السبوره حقت البزوره اللي من ورا هيا دي اخت الحرفين وصورتهم
وكمان حرفي وحرف توأمي بس بربطات شعري لاتدققو من الفضااااوه
ودا جهازي الام بي فور عشرت عمر من اولى متوسط ماشاء الله خمسه سنييين
ودي الصوووره مراااا تعجبببببببببببني طبعا صورتها ايام الاختبارات النهائيه وانا اداكر وكان يوم تلوت
وساعتها كان العصر وحبيت اغير جوي شويا وقمت جبت الاغراض وجلست اصوور
ماشاءالله لاقوه الا بالله
ودي تفاحه كنت برضو طفشانه بدايت الاجااازه
ودي كنا في الحوش حق جدتي ركبت السياره وتخيلت اني بسووق ودخلت جو
وجلست اصور يدي فجأه جا بابا وصادني وانا اللعب واخد الكام وجلس يصورني يقوول
بوريها المروور تتسجني ونفتك منك شويا ههه
واخيرا دي كنت طفشانه برضو ولبست كعب وناديت اختي اللي اصغر مني وقلت لها تعالي وعلمتها
كيف تصوور وبعد ماصورت لعبت في الالوان حقت الصوره والي فوووق الصور بدون تغيير يعني زي ماهيا
ماااشااء الله
والحمدلله خلصت طبعا عندي صور غيرها كتيير بس في الهارد وبعيده عني ومافيا ههه
اتمنى انكم استمتعتو معاايا وعجبكم تصويري 
😀 ردودكم يااحلوووااااااااااات
😡
