عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمت الله وبركاته
كيفكم صبااايا وحريم ونساء وفتيات وأنسات…….. إلخ
ان شاء الله بخير
عساااكم عالقوووه يارب
سبق ليا ونزلت موضوع رسمتي وبما انو أديتوني وجه وأنا أستاهل >> برااااااا
وبعض الفراشات قالو نزلي أعمالك احم احم >>> تكفين بس اقووول ششب
بصراحه ماقدرت أرفض طلبهم غالــــين والطلب رخيص المووهم اني تحمست من أول مابديت في العمل
على طووول تشك تشك تشك >>>> صوت الكام هع
طبعا العمل تلوين مش رسمه زي قبل لانو الابله أدتني الرسمه جاهزه وانا ألونها واديها يوم السبت لانو
الاحد في معرض في ……. مدري ايش الموهم انو المعرض بمناسبه شفاء الغالي الملك عبدالله
الله يحفظو وانا في البدايه عشان أحطكم في الصوره انا جا يوم الربوع والخميس والأخت مفهيييه
نسسسيت مرااا الموضوع ولمن جا يوم الجمعه تذكرت الرسمه هه شيب راسي ولازم ابروزها والبرواز
تفصيل مو جاهز يعني ياخد يوم تقريبا خلاااص ودي ابكي لانو مافي وقت لازم اسوي شي بعمري
والابله قالت احنا نلون وهيا تزبط بعدنا ربي رحمني ولا لو على تلويني ههه وربي صفر مع مرتبت الشرف
وبديت الون في العصر وخلصت قريب المغرب طبعا مقطع التلوين وامم بعد العشا وديتها محل البراويز وجاتني
يوم السبت وانا في المدرسه ونجحت الخطه الحمدلله >>>> والله لونها حرب هه
الموهم
الرسمه عباره عن حامل للكره الارضيه اوكي وبدل رسمه كره ارضيه رسمت الابله قلب وداخلو خريطه
المملكه والبحر حولينها امم بس هيا دي الرسمه
مافهمتو صح يلا ماعلينا
المطلوب مني انا الست هانم
ألون الخلفيه بلون غامق والرسمه كاكل >>> اكتشفت اني رغاايه ههه
الموهم اول شي هاي هيا الالوان اللي استدخمتا الوان فحم باستل
هنا كنت حااايسه في لون الخلفيه وجالسه اجرب الوان ادمجها مع بعض واشوف ايت احسن
وسألت ماما الله يحفظها ويخليها ليا وقالت ليا اجرب الرمادي ودرجاتو
دخلت مزاجي بقووه وبديت الون الخلفيه
بعد ما لونت الخلفيه كلها لونت الحامل
لون بني ههع الموهم بعد كدا لونت الخريطه اصفر على اساس صحراء وبعدين الابله تدخل صورت الملك عبدلله
وبعد ذلك قمت بتلوين المسطحات المائيه هنا قبل ادمجها
بعد دمجها
واخيرا وليس اخرا الون الفيش وازبط اشويا اللوحه
وخلصت على بركت الله
هه مو قلت لكم صفر مع مرتبت الشرف هههه صدمه والله تلويني فضيييع
انا هنا وقفت لاني بصراحه مو فاضيه ابى اذاكر والوقت يداهمني >> احلا يافصحى انتى ههع
الموهم بروزتها واديتها الابله ومادري ايش ردت فعلها يمكن اغمى عليها او شي لاقدر الله
وراحت الابله زبطت اللوحه واضافت وعدلت وودتها المعرض ومرااا عجبتهم
وجابتها ورتني هيا انصدمت شووووو فرق بين السما والارض صعقت للوهله الاولى بعدين ابا استوعب مرااا
طلعت واااااااااااااااااااو ماشاء الله
تبو تشوفوها احم احم طبعا اخذتها عشان اصورها واوريها العيله الكريمه عشان يعرفو انو بنتهم فنانه
ومبدعه مو مصدقين اهي اهي >>> لايكثر بس كلو شغل الابله
شوفوها وقولو ليا رأيكم بصراحه
❗
وفي الختام اتمنى اللي عجبتها ترد واللي ماعجبتها لاا ترد بليييز هههعع
لولا اختلاف الاذواق لبارت السلع مو شرط عملي يعجب غيري اهم شي انا راضيه عنو الحمدلله
ولساتني في البدايه والقادم ان شاء الله افضل وادق
ودي ورده لك وحده دخلت وردت على الموضوع لاني تعبت وانا اصغر الصور واحملها ووووو
بس حلو اشوف ردودكم يعني مومعقوله انزل ولا يكون في رد >>> خلاص خلاص درينا اللي بعدو
اممممم وانا انزل الرسمات وكدا لسببين
نبر وون / يكبر راااسي على ماهو كبير
نبر توو / انزل موضوع جديد وتتسلو وتنبسطو >>>> واااثقه الاخت انو الموضوع يسلي
تقبلو ودي
نوسه ناموسه
