عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيف نتعامل مع مراهقاتنا الصغيرات ..!!
كل فتاة في هذة المرحله تحتاج الي طريقه تعامل خاصه لتشعرهـآ بالحب و الحنان و الامان ..
*احترمي شخصيتها وخصوصياتها..
حسسيها انها صارت بنوته كبيرة ، احترمي شخصيتها أي كان نوعها خجوله حساسه ، لاتفتشي عن خصوصياتها واسرارها الخاصه
الاحترام مفتاح التفاهم والتعامل مع المراهقين لانه يعطيهم الثقه بالنفس
*افتحي باب الحوار والمشاركه معاها ..
كل يوم علميها درس من دروس الحياة ..خبرة من خبراتك ..اجلسي معاها اتكلمي بكل شي لاتخجلي هي بنت مثلك و راح تفهم عليك .لاتملي من سوالفها بالعكس شجعيها انها تسولف لك عن كل شي بحياتها لانها تحتاج احد يسمعها و يشاركها ..
اقترحي عليها مثلا انكم اليوم تدخلوا المطبخ سواء وتعملوا العشـآء ..
شاركيها في اعمال المنزل خليها تحس انها بقيمتها في البيت
*عامليها برفق ولين ..
اذا غلطت لا تخاصمينها وتصرخي بوجهها بالعكس المفروض تعاملينها بكل رفق ولين
افهمي منها سبب تصرفها هذا وحلي المشكله معاها
*لا تنتقدينها مباشرة ..
لما تطلبي منها تنظف غرفه الجلوس بالشكل اللي تبغيه وهي طبعا ماسويته مثل ماتبغي “لاتصارخي بوجهها ” حوالي توضحي لها النقد هذا بشكل غير مباشر مثلا تقولي لها لو دائما تحطي الكتب ع المكتبه يكون منظرها احلى واحسن
*صارحيها في بعض اموارك الخاصه واجعليها تثق فيك ..
اذا قالت لك عن اسرارها لاتعلمي فيها احد مهما كان فهذا يدل على عدم ثقتك فيها
*تحملي تقلبات مزاجها ..
احيانا تكون معصبه او زعلانه او متضايقه من احد لا تجي و تزودي عليها المفروض تكوني بجنبها لان المراهق في هذا السن يحتاج انه يتكلم و يفضفض عن اللي بقلبه
اغلب المراهقات يمروا بتقلبات المزاح واحنا لازم نراعي الشي هذا فيهم
*امدحيها واثني على تصرفاتها ..
لو سوت شي حلو امدحيه قبل العائله سواء كان الشي هذا بالبيت او بالمدرسه , قولي لها “الحلا اللي اليوم سويته يهببل “ “ تسلم إيدك “ “ان شاء الله بخليك تسوي مثله مرة ثانيه “
*اهتمي بمظهرها و اظهري حبك وتقديرك لها ..
وفري كل احتياجاتها كالفتاة واهتمي فيها كثير علميها النظافه بكل شي اشتري لها ملابس جديدة بين فترة و فترة .. اظهري محبتك لها .. قولي لها “ انا احبك يابنتي ”
*اهدي لها بين الحين والاخر هدايا ..
يعني مثلا لما تنجح اشتري لها هديه فرحيها فيها المراهق في السن هذا يحب الاشياء هاذي كثيير حتى لو كانت الهديه بسيطه لانها تعبر عن حبك لها ..
*اعتذري منهـآ ..
اذا غلطتي في حقها او زعلتيها او ضايقتيها لاتنسي تروحي و تعتذري عن الشي اللي سويته فيهـآ الفترى هذة يكون فيها المراهق حساس جدا أي شي يزعله ويضايقه و ياثر فيه حتى لو كانت الكمله مو مقصودة ..
اخيرا ..
لاتنسي التربية الايمانيه في هذا السن ..
عودي بنتك على الصلاة معاك او مع اخواتها .. علميها بعض احكام الدين ..اشتركي معاها في اشياء دينية ..اهتمي في الجانب الايمـآني اشد الاهتـمام ..
اسال الله يعلمنا ما ينفعنا و ان ينفعنا بما علمنا و يزدنا علما..
انتظرونـــي بالجزء (2)
