عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
صباح الخير اخواتي
ان شاء الله تكونون بصحه وعافيه
فكرة موضوعي جت بعد فكرة موضوع اختي توفي الله يسعدها وموضوع قريته في القسم واثار الفكره برراااسي
يعني ماقدر اقول فكرة جديده لكن فكره مختلفه عن سابقتها
فكره عن فئة موجوده بينا
وهم اخواتنا وقلوبنا عليهم
ابي بموضوعي اوقف معهم مابي يكون فيه فرق بينا او بينهم
مابي ترفع بالموضوع عنهم ووصف سيئ يوصوفون به لا
ابي نكون يد وحده ونطلعهم من هالأمر اللي متأكده انهم مو راضين عليه
نشوف بمجتمعنا بالذات الفتره الاخيره انتشررر وبقووة وجود فئة تسمي نفسها ((بويات وليديات))
يعني البنت الولد المسترجله والبنت النعوومه حبيبتها
الامر ليته يوصل لهالمرحله من انها تحبها وتشوفها بالمدرسه او الكليه
لااا للاسف
هناك امور تقع اعظم من ذلك قد تصل لشذوذ والعياذ بالله
قد تصل لان يكونوا اشبه لقوم لوط وفعلهم الذي غضب الله عليهم بسببه
كلنا نعرف حكم التشبه بالرجال
قال رسول الله صلى الله عليه وسلم: ((لعن الله المتشبهات من النساء بالرجال والمتشبهين من الرجال بالنساء ))
مافي اعظم من هالحكم
اللعن
الطرد من رحمة الله بس بالشكل
كيف بالافعال؟؟
بينا بنات تشبهوا بالرجال
تقمصت دور الرجل باللبس والشكل والافعال والنظرات
موجودين للاسف بينا
كثير قالوا هذا بسبب امراض نفسيه
واللي قالوا بسبب مشاكل عائليه اما طلاق الوالدين او وفاة احدهما
وكثررر في زمانا ونطلع لهم الف عذر وعذر
رغم انه بزمن اللي قبلنا ماصار لهم هالشئ مثل ماهو بزمنا
موضوعي
اتكلم عن اللي وقعت في مثل هالامور انا متأكده وواثقه من كلامي اللي اقوله لو وحده من البويات فكرررت بقراارة نفسها وبكل عقل هل اللي تسويه صح ولا؟؟
هل هي راضيه عليه بكل عقل ولا؟؟
هل هي تفكر تعيش عليه العمر كله ولا؟؟
هل هي بعد ماتكون مع حبيبتها تكون عايشه بسعاده وراحة بال ولا؟؟
الجواب واحد
لا
انا مابي بصدد اتكلم عن الحكم او ان الامر اللي تقوم فيه منافي لأحكام دينا ومنافي للاخلاق كل هذا عارفنيه احنا وهم بعد
انابموضوعي ابي اخذ بيد اللي وقعت بهالامر سواء بويه او ليدي اللي هي الحبيبه
بتقولون صعب لااا موصعب احنا معكم وبنوقف معكم لين ترجعون للاصل اللي ربي خلقكم عليه
انتي بنت ومهما سويتي وفعلتي بنت حتى يوم قلتي بويه لحقتيها بتاء التأنيث ماتركتيها زي اصلها بوي
ربي خلقك على احسن واكمل صورة
الحمدالله مانتي من الناس اللي فيها اعاقه او امراض او فيها اختلاف بالجنس بحيث تقول انا مو عارفه وش نفسي
لا ربي صورك واحسن صورتك
نفس فكرة موضوع توفي
نبي تجارب لبنات وقعوا بهالامر وتابو وارجعوا لطريق الصحيح
نبي نصيحتكم لغيركم من البنات عشان مايقعون بمثل هذا الامر
خصوصا” انه امر اشبه مايكون خفي بالذات بين الاهل مايكون واضح مره
واذا بنت وقعت بهالامر وتبي النصح وتبي نوقف معها احنا بنوقف معها
حنا خواتكم
وكل انسان مو معصوم من الخطأ لكن الانسان يطلع نفسه من الخطأ ومايرجع له
رح نساعدكم ونوقف معكم وننصحكم ونوجهكم للوجهه الصح
انا مادري هل للبويات وجود بينا بمنتدى نسائي ام لا؟؟
متأكده ان فيهم خير وخير كثييير وكثير منهم يبون احد يساعدهم
اللي تبي تطرح تجربتها ونصحيتها للغير تطرحها واللي منحرجه ممكن ترسل لي عالخاص ونذكرهابدون اسم سواء تجربه سابقه عشان ننصح البنات وينتبهون من هالامر او وقعت بهالامر وتبي ننصحها
كلمه صغيره قبل اختم موضوعي
ممكن وحده من البويات تقول ابي وحده احبها تحبني نشكي لبعض ونهتم لبعض انا برأيي هذا كله نسميه الصداقه وهي من اروع انواع العلاقات الموجوده بين البشر مايمنع ان عندي صديقه ماحبها بالعكس المحبه ماتجي الا بعد صداقه وعشرة عمر ومستحيل اكون صديقه لوحده وانا ماحبها ولا ارتاح لها
افضفض لها اشكي لها همي اساعدها بامر نضحك سوا نلعب سوا نسئل عن بعض نطمن عن بعض وكل هذا تحت شعار
((المحبه في الله))
وماننسى حديث الرسول صلى الله عليه وسلم: ((سبعة يظلهم الله يوم لاظل الا ظله,إمام عادل, وشاب نشأ في عبادة الله,ورجل قبله معلق بالمساجد,ورجلان تحابا في الله اجتمعا عليه وتفرقا عليه,ورجل دعته امرأة ذات منصب وجمال فقال إني اخاف الله,ورجل تصدق بصدقة فأخاها ختى لاتعلم شماله ماتنفق يمينه,ورجل ذكر الله خاليا” ففضات عيناه ))
جميل ان تكون كل علاقتنا في الله ولله واسئل الله تعالى ان يجعلنا منهم
هذا ماجاء في بالي اتمنى ماكون اخطأت او جرحت احد
واعذروني احس جملي وكلامي مو مرتب
لكن هو كلام بقلبي حبيت اوصله لكم
لكم ودي
اختكم
بوبو
بإنتظاركم
