عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
مرحبا اخواتي
ان شاء الله تكونون بصحه وعافيه
موضوعي اليوم مفكره فيه من يومين وجتني كذا فكره لكن حبيت اختصر فكره وحده بموضوع هنا بقسم اسرار البنات
موضوعي عن البنت والاسواق
بتقولو كيف؟؟
ووش تقصد؟؟
اقروا معي للأخير عشان تفهمون مقصدي
كثير نشوف بنات بالاسواق اما تجي وحده مع امها او معها اختها او الغالب يجون شششلة بنات مع بعض
يجون 4 الى 6 بنات وبمركز تسوق لأجل شراء اغراض خاصه فيهم وراحوا مع بعض عشان يختارون مع بعض ويشاورون بعض باللبس
الى هنا الوضع تمام
لكن
ليش اذا صار تجمع بنات يكثر الضحك والهمز والغمز بينهم شوفي هذا شكله حلو
وهذا شكله كأنه جاي من بر وهاذي شلكها يجننن شوفي كيف عبايتها تهبل
وهاذي شكلها يفششل لو منها ماجي لسوق اقعد بالبيت ويتخللها ضحكات وتماايع وتمايل فيما بينهم
ليش كل هذا؟؟
شد انبتاه للأخرين شوفوا حنا بنات فررري راعين ضحك ووناسه وماهمنا احد
انتي جايه لسوق لغرض تشترينه اشتري واطلعي
جبتي معك اختك بنت خالتك جيتي انتي وششلة بنات ماحنا معارضين وقايلين لاا وش هذا لاعاادي روحوا واختاور مع بعض وتشاوروا فيما بينكم
لكن
حطي الله تعالي بين عينيك
انتبهي لعبايتك انتبهي لعيونك لاتطلع ويشوفك احد الرجال
لاتقولين هذا هندي ولااجنبي وش علي منه انتي بيحاسبك الله تعالى مافي فرق بين انه سعودي او انه اجنبي الحكم واحد والحساب واحد
لاتخلين الحياء وانك تتغطي زين وتتسترين يكون من السعودي بس او من شخص يعرفكم او شافه اخوك او ابوك بالسوق
خلي حياك من الله تعالى ان ينظر لك وانتي على معصيه وتضحكي ولاهمك
اذا اللي معك رفضوا وقالوا يوووة فلانه وش هالتعقيد هذا هندي قولي هو هندي بس ربي فوقي يشوفني ربي بيحاسبني على كل شئ وخلي وجودك معهم خير لنفسك ولهم وارفضي تمشين معهم بتلاقينهم يجونك يقولون خلاص بنسكت بس تعالي وبتاخذي اجرهم
واصلا” منو هالاجنبي او السعودي اللي يناظر لك لإيدك او عيونك او يلاحظ تفاصيل جسمك من ورى العبايه الذنب يقع عليك انتي موعليه هو ذنبه بعد النظره الاولى بسس لكن انتي ذنبك اعظم كم واحد بيشوفك وانتي بهالشكل وبيشوف تضحك وتمايلك مع البنات اللي معك
بتقولون لي احنا مو قصدنا بس صار موقف مضحك وضحكنا يعني نسكت؟؟؟
لا ماقول اسكتي مرات الواحد يطيح بموقف غصصب يضحكه بس انتي شوفي وين مكانك وين موقعك روحي عن المكان وانسي الموقف
والله دااائما” اشوف تجمع بنات كذا اني انقهرر على حالهم
الرجال والشباب وعمال المحلات عيونهم طايره فيها وهي مستانسه ضحك وكركره
لك حاجه بالسوق اشتري واطلعي وخلاص اذا رجعتي للبيت اضحكي وسولفي على كيييفك مارح نقول لا عيب اسكتي لا خوذي راحتك
لكن قدري مكانك قدري موقفك وقتها
مثل اذا جلستي مجلس حريم او رجال يقربون لك او كبار سن سكتي احترام لهم واحترام للمجلس بعد السوق التزمي الصمت عشان الكل يحترمك
ممكن شاب يتعرض لك بسبب تصرفاتك وقتها اللوم الاكبرر عليك انتي
لو محترمه نفسك من الاول ماايفكر ينظر لك وحتى لو شاب غلط عليك الثاني رح يوقف بصفك لانه يدري انك متحرمه نفسك والمكان اللي انتي
وتأكدوا الناس لو نظروا لك بالسوق وتتبعوك بنظرهم لاتحسبينهم يقولون ياابختها راعية ضحك وناسه لاااا
بيقولون ثقتها معدووومه بنفسها وجايه تدورها بالأسواق وبهالحركات ومستحيل احد يقول عنك ونعم التربيه ساتره عمرها ونفسها
انا كلامي موجه لنفسي قبل يكون موجه لكم
اللي ابيه فقط نضع الله تعالى بين اعيننا بكل مكان وبالذات بالاسواق لانه مجمع للبلاوي والمصايب
وماننسى ان الاسواق ابغض الامكان الى الله تعالي
قال رسول الله صلى الله عليه وسلم:
((احب البلاد إالى الله مساجدها,وأبغض البلاد الى الله أسواقها))
قال النووي:أحب البلاد إلى الله مساجدها لأنها بيوت الطاعات,وأساسها التقوى.
وقوله:أبغض البلاد إالى أسواقها لأنها محل الغش والخداع والربا والأيمان الكاذبة وإخلاف الوعد والإعراض عن ذكر الله,وغير ذلك مما في معناه…والمساجد محل نزول الرحمه والأسواق ضدها.
هذا ماجال بخاطري واتمنى يكون وصل لكم وبشكل واضح
اختكم
بوبو
