عالم البنات النسائي كل ما يخص المرأة العربية من ازياء وجمال والحياة الزوجية والمطبخ
..الحياة حلووه بالضحك والمزح والوناااسة وسعة الصدر..
بحياتنا العامه ومع الاخوات والصديقات والمعارف نحب نكسر روتين وملل الحياه
ونطلع عن المألوف شوي ببعض المقالب ..
حبيت اتكلم عن المقالب بصفتي اكبر وحده تاكل مقالب وتمشي علي زي السلام عليكم
المزح له حدود وضوابط معينة مايصير نخروج عنها ابدا
قبل لا تسوين مقلب راعي مشاعر الطرف الثاني وردة فعله..
بعض المقالب تبسطنا وتضحكنا وتظل ذكرى حلووه
وبعض المقالب تبسط صاحبتها بس لآنها ماجت جنب المزح ابد أعطيها جوها وخليها تحس انها انبسطت 👿
وبعض المقالب ثقيلة دم .. سامجه … سخيفه ..
وبعض المقالب حلووه والكل يحب يسويها
البعض يتجاوز المزح الى الترويع والتخويف
لو سويتي مقلب جامد مره بوحده من صديقاتك وارعبتيها وخوفتيها
وقدر الله وصابها شي من قوة خوفها..
ما رح اقول تكرهين المقالب الا تكرهين عمرك
وتتحسفين بدل المره مليوون بس بوقت ماينفع ندم..
قبل لا تسوين مقلب فكري باضرار مقلبك وخطورته !
وهذا بالاساس يدخل من باب ترويع المسـلم ..و ترويع المسلم حرام مايجوز ..
بعض المزح قوي وينقلب الى كارثة حاولي تجنب المزح بقد ماتقدري ….وأعرفي من تمزحين معه ..
بشكل عام فيه مقالب بسيطة ..نقدر نهضمها ..بسيطة .. وتسطرنا ضحك
ومقالب سخيفه واسخف منها صاحبها ..
وتعتمد على درجة المقلب ومدى تقبل الطرف الثاني وتحمله له وردة فعله ..
الموضوع مو مسألة تعقيد اطلاقاً لكن اذا وصلنا الى ترويع الناس لا ماصارت مقالب بتصير مصايب …
خصوصا مانضمن نتائج مقالبنا ورد فعل الطرف الثاني ..
وياما مقلبنا الكثير وضنيناها وناسة وتغيير روتين وتالي انقلب زعل وضيقت خلق ..
ومو كل ضحك مباح وكل مرح فى محله..في أمور جدية كالموت والمرض والزواج..وفي أوقات للضحك…
خفة الظل والضحك لازم تكون بحدود المعقول انا اقبله وانتي تقبيلنه وهي تقبله ..
لآن في نوعيات من الناس تمزح وتمقلب طوول الوقت وإذا انقلبت الآيه ومقلبتيهم بضحك مايقبلون!
أنا مرريت بمقلب قوي اول مره يمر علي كذا
برمضااان وبليلة 27 والكل فرحان بقرب العيد ويجهز اكيد بيكون مبسوط ومستانس ^^
جوالي كان بغرفه ثانيه واحتجت اكلم فيه وكنت حدي مبسوطه وابي شي من السوق ناقصني للعيد
يوم جيت بتصل لقيت مسجات وبعض المكالمات لم يرد عليها ..
فتحت المسجات تمنيت اني مافتحتها ابد كان المسج من صديقتي الروح بالروح
ولانها تغير ارقام كل فتره نسيت هالرقم ماسجلته عندي وانشغلت عنها فتره طويله
ونسيت من الرقم ومع قوة الكلام ما استوعبت انه رقمها هي بنص رمضان قالت بسافر
وعلى اساس بترجع العيد هنا نص المسج ”
هذا جوال ….. انتقلت مساء اليوم الى رحمة الله دعواتكم لها!!
ردت فعلي قريت المسج مره واثنين وثلاث وتسمرت رجولي وبكيت بكاء
وما ابغى ادق ع الرقم ما ابغى احد ياكد لي وفاتها !
بعد ربع ساعه قويت قلبي وقلت لازم ادق دقيت مره واثنين وثلاث ومحد يرد
والشيطان قالي وحده ماتت طبيعي اهلها مشغولين بالعزا يالله اوقات صعبه عشتها والله
عشر دقايق والرقم يدق من عادتي اقوول نعم اذا رديت بس كنت جديه وقلت الو
بكل بساطه طلعت صديقتي !
انا انطميت وعلى قد ما انطميت حقدت عليها والله قلت هذا انتي ليه كذا وش هالبياخه
قفلي لان لو ماقفلتي بقفل انا قالت وش فيك كملي المسج طوط طوط قفلت الخط
اقسم بالله شهرين وزياده لا اتصال لا مسجات ردت فعلي كانت قوويه ..بعد الشهرين تقول ماتوقعتك قاسيه
قلت اجل تمقلبيني فيك افرض جاني انهيااااار انتي مو حي الله الله يهديك لا تعيدينها …
موقفين ع المسن ..
هالموقف بليلة رمضاااان مادري وش قصتي استقبلت رمضان بمقلب وودعته بمقلب وكلهم شيون
واشين منهم صاحباتهم الله يسعدهم ➡
الاموقف الاول :
وحده من الغوالي غيرت المسن وصارت تدخل بــ آي بود
وانا وحده داجه نوعاً ما بهالامور واي شي يمر علي زي السلام عليكم ..>>ياقلبو يا انا
المهم دخلت وشفت عنوانه بالتوبيك حقها على هيئة رابط ..
وجالسين نسولف انا وهي وصديقنا الثالثه وبثواني كذا كلام يجر كلام وحسيت انها مو هي
قامت تلعب بأعصابي وتجيب كلام هي اساس من طبيعتها ماتقوله شككتني انها مو هي
المهمه انها فنانه في اللف والدوران وصديقتنا الثالثه تقوولي خاص ترى شكلها موهي يابنت
وصارت تعبيني عليها وانه واحد هاكر بريدها وانا احقد وارد بدل الرد عشره يوم شفتها مره
مارضيت تقول مين قلت بطلع وطلعت ..
يوم طلعت جاتني فووري بغيابي تقولي طحت طيحه على بنات نمبر ون
ان شاء الله كل يوم زي هالوقت معكم ..
شعوري وش شعوري مابقى فيني ذرة عقل وكرهت المسن واللي اخترع المسن
واكثر خوفي لان صوري بجهازي >>تاب الله علي وفرمته وشلتها وتوبت
زعلت كم يووم وتالي رضيت ولا المقلب قوي علي وما احب التخويف 😡
الثاني .. بلاش اقوله بأستأذن من صاحبته اذا سمحت لي قلته واعلي احب رفيجاتي وما بزعلهم مني 
وبالأخير
مو كل شخص نعرفه نمزح معه ونمقلبه لازم نعرف أطباعه مو كل البشر تقبل هالمزح وتتقبله ..
يمكن ردة فعله بوقت غضب يتصرف تصرف لآمسؤول ومايرضينا ابد ..
وقتها تضيع منك كل كلمات الاعتذار ونصير بموقف “بايخ “
ومانقدر نجبر هالنوعيات ونفرض خفة ظلنا عليهم
*
*
حكونا عن مقالبكم مع صديقاتكم واخواتكم
