عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم فراشات
طبعا الكل عارف لازم نستخدم سنفره للجسم وللوجه 3 مرات بالاسبوع عشان نشيل الجلد الميت وتطلع
البشره حيويه ونضره وعشان برضو يستفيد الجلد من الخلطات اللي نستخدمها
لانك لو تحطين مية خلطه وفيك جلد ميت تأكدي ماراح تفيد معاك الا نسبه قلليله
عشان هيك انا سويت لي جدول خاص وقت الشاور
صابونيه+سنفره+لوشن
تكلمت عن الصابونيه واللوشن بمواضيع قبل
نجي الحين للسنفره
مسويتها من شهر 7 اللي طاف والى يومكم هذا وانا اعشقها
شدددت جسمي حيل وعطتني نعومه وساعدتني اني استفيد من الخلطات اكثرر
وربي خواتي يتهاوشون من تتحمم بحمامي وانتم بكرامه عشان يستخدمونها
طولت عليكم وبعلمكم المقادير
اول شي بودرة الكولاجين
اي بودرة الكولاجين لاتستغربون وربي يا انها تشد وتنعم وتفتح بشكل مو طبيعي
بس ما اشربها لالالا اضيف ملعقتين كبار منها
قشور برتقال
جيبي قشور برتقال وجففيها واطجنيها وخوذي 3 ملاعق كبار منها
غنيه جدا بفيتامين سي وتفتح بقووووه
مطحون عشبة اللافندر او الخزامى كلها نفس المعنى
تاخذونها من العطار وضيفوا 3 ملاعق كبار >>ريحه+بياض+شد مو طبيعي
عشبة لسان البحر >>اتعب اقول روووووعه تشد يابنات شد مو طبيعي
من العطار طبعا
من العطار طبعا
ملح الحليب 3 انواع طبعا خوذي اللي النوع اللي يريحك
انا استخدمت ملح الحليب+ملح البابايا+ملح اللافندر
بيكربونات الصوديوم>>تبييييض ويشلع الجلد الميت شللللع
زيت الشاي الاخضر>>مطهر ويقضي ع البكتيريا ويهدي الاعصاب
سنفرة ستفز بالمشمش
كريم كاب
شوي من العكر الفاسي اللي مو بس يعطي لون حلو برضو يساعد ع التفتيح
سيروم الكولاجين تقريبا 10 نقاط
خلصنا من المكونات نجي لطريقة العمل
ضيفي ملح الحليب من كل نوع النص
وحطي فوقهم قشر البرتقال المطحون +_عشبة لسان البحر المطحونه+بودرة الكولاجين+عشبة اللافندر
+بيكربونات الصوديوم تقريبا العلبه كاااااامله
وامزجيهم مع بعض وضيفي فنجان ونص زيت الشاي الاخضر
وفوقهم السنفره كامله وكريم كاب كامل
وامزجيهم مععع بعض لين يصيروم زي الكريم
وبعدها ضيفي سيروم الكولاجين
وضيفي مقدار بسيط جدا من العكر الفاسي
وحطيها بعلبه بتطلع لك كميه كبيره تكفيك شهرين
طريقة الاستخدام
3 مرات بالاسبوع بعد ماتغسلين جسمك بالصابون ع اخر شي من الشاور حقك
حطيها ع جسم شبه مبلل يعني نشفيه شوي
وحطيها ع كااااامل جسمك زي الماسك واجلسي 5 دقايق وابدي سوي مساج بيدك للاماكن الغامقه
ولباقي جسمك لمدة 5 دقايق
وبعدها تشطفي بمويه باااره شوي عشان تسكرين المسام
وحطي لوشنك اللي تحبينه وعليك بالف عافيه
نجي الحين للصور
هذي عشبة لسان البحر تلاقونها بهالشكل عند العطار وخلوه يطحنها لكم
وهذي عشبة اللافندر
بنااات وربي تعبت ع بال ما اكتب واحمل الصور
ابي منكم دعوه بظهر الغيب ان ربي يحقق امنيتي ويشغل وقت فراغي بوظيفه تكفووووون
