عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم فراشاااااااااااات
اذا في وحده ناويه تشتري الجهاز ،، هو عندي
وراح أقولكم تفاصيل التكلفه اللي تكلفت فيها ،، وتجربتي مع الجهاز بكل أمانه
وربي يشهد علي إني ماراح أكذب
أخسر فلوسي ولا اخسر آخرتي
أول شي أنا شاركت بتجمع مستخدمات جهاز ايوسايكا بالمنتدى هني
ممكن تشوفون مشاركاتي (ترا قديمه حيل أول ماشريت الجهاز)
ثانياً الجهاز حلوووووو بس يبيله طولت بال شوي
يعني الحين (طبعاً انا وقفت استخدامه من زمان) لما احف واشيل الشعر بالحلاوة ألاحظ انه يتأخررررررررررررررررر حييييييييييييل بالنمو يعني يطول على ما يطلع
وأكثر جزء سويت له ليزر هو الاباط
تخيلو وربي يشهد علي ان الحين صارلي تقريباً 45 يوم من آخر مره شلت شعر اباطي والحين طلع الشعر بس خفيييييف يعني ممكن احط مزيل عرق عادي الشعر خفيف فما يعيق وصول مزيل العرق للجلد
بس اذا في احد راح يشوف اباطي لازم اشيله لانه باين شوي
انا كانت لي طريقتي باستخدام الجهاز
كنت كل ماطلع الشعر على طول اسوي ليزر وماشيله بالموس (لان الموس يقوي الشعر)
وبعدها اشيل الشعر اللي احترق بسبب استخدام الليزر بالموس
وانتظر لحد ما يطلع صغير اروح اسوي ليزر وهلم جرا
((لاحظي الموس استخدمه للشعر بعد مايتحرق عشان اتخلص منه وماراح يقوي الشعر لانه ميت اصلاً))
بعض البنات ينطرون لحد ما يطول الشعر وبعدين يشيلونه بالموس وبعدين ينتظرون لحد مايطلع الشعر ويسوون ليزر >>> لاحظي قاعدين يضيعون وقتهم ويتعبون نفسهم عالفاضي
عموماً انتي اقري طريقتي بموضوع تجمع مستخدمات ايوسايكا وراح تستفيدين
بالنسبه للتكلفه
الجهاز بروحه سعره 2750 ريال + 550 للجمارك + 550 (2 عدسه اضافيه)
3850 ريال المجموع النهائي
أنا استهلكت العدسه اللي مع الجهاز ،،، يعني باقي العدستين الاضافيتين اللي شريتهم زياده
السبب اللي خلاني افكر ابيع الجهاز هو التعب من استخدامه
يعني مليت منه بالعربي
اللي تاخذ مني الجهاز راح يكون معاه عدستين جدد
ودام العدسات جدد فالجهاز بالنسبه لاستخدامه كأنه جديد (مع اني استعملته بس العدسه اللي استعملتها خلصت فأنتي راح تستخدمين عدسات جدد الـ 2 الباقيه)
وراح تاخذينه بسعر أقل من الجديد
أنا ناويه أبيعه بـ 2500
لأني من الكويت وراح أتكلف بتوصيل الجهاز
اللي ناويه تشتريه تقول هي من وين عشان أعرف اذا أقدر أوصله لها أو لأ
تحياتي لكم
