عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
يا بنات جنيني مات ببطني بالشهر التاسع بالاسبوع ال38
الحمدلله على كل حال والله يعوضني خيرا يااارب
كان يتحرك قبل لا اعرف انه ميت بيوم واحد ….ثاني يوم ماحسيت باي حركة رحت للمستوصف قالت لي مافي نبض وقلبه متوقف
ورحت المستشفى العسكري وتاكدت ونوموني من يوم الثلاثاء بالليل واخذوا تحاليل وسووا لي سونار وتخطيط للجنين وتاكدوا انه ميت
وبعد التحاليل مالقوا فيني شي ادى للوفاة…الله اعلم بالسبب..
وخيروني بين اني اطلع وانتظر طلق طبيعي يجيني او يعطوني طلق صناعي واولد
انا اخترت طلق صناعي لاني خفت ومن حالتي النفسية اخترت الطلق الصناعي
وبدأوا من يوم الاربعاء يعطوني تحاميل الطلق حتى توسيع وسعولي بيدهم تخيلوا الى يوم السبت وهم يعطوني طلق صناعي والرحم ما انفتح غير من 1ونص سم الى 2 سم مايزيد عن كذا
وتعبت وهد حيلي الطلق واحس بس يعدي نص اليوم ويروح مفعول التحاميل ارجع عادي مااحس بشي ولا الم مع انهم يعطوني التحاميل مرتين باليوم
ويوم الاحد الصباح جت الدكتورة ومعها ممرضة وقاست لي الرحم لقيته 2سم بس قالت لي عنق الرحم مرن وفي امكانية ندخلك غرفة الولادة ونعطيك طلق بالوريد ونفك لك الموية…
دخلت غرفة الولادة وصابني شي مو طبيعي بغيت اموت من الخوف والرجفة وصرت ابكي بكا مو طبيعي
وجاتني دكتورة ومعها استشاري وقالوا لامي وزوجي بنسوي لها تحاليل اول
اخذوا تحليل دم علشان تخثر الدم او التسمم…وطلع التحاليل الحمدلله سليمة
وقالوالهم بنكتب لها خروج تريح جسمها ونفسيتها يومين وترجع يمكن يجيها طلق طبيعي واذا ماجاها نعطيها طلق بالوريد
يا بنات خاااااااااااااااااااااااايفة وربي وللان ماجاني طلق قولولي شي يفتح الرحم زيادة
بكرة موعدي الساعة 9 الصباح
امانة ادعولي بظهر الغيب
