جـــــــــريح… والي علمني المشي علمني أطيح

الهم تقراة في عيوني مثل نور الفجر الصريح

ركن غرفتي مكاني من الكون الفسيح

والدمع صار عنواني ولسان حالي الفصيح

هدني الحزن وحار في حالي كل غالي و قريب نصيح

أنا بين السماء والأرض روح… مدري بقايا جروح

صدى الأيام يردد معي وين عني بتروح

وتتركني لصراخ الجروح

وعيوني بالدموع.. تستبيح البوح

وكلام الشوق على شفاهي مذبوح

جيتك وردة خميلة بيدي قلبي أشيله

ولقيتك مينا الجرح ماله سفينة

رجعت كسير… تتعكز يدينه حنينه

أكذب الظنون لين واقع أفعالك أقنعني

لكن قبل انتفارق وتنسى جرحي اسمعني

اذكرني إذا نثرك الشوق واجمعنـي

واذكرني إذا جمر حنينك احرقني

مع السلامة وقبل تسافـر اسمعنـي

تبقى أكثر إنسـان حبيتة.. وأكثر من جرحني

وأكثر من ارخص بعد الغلا دمعي وبكانـي