جسم صافي خلال ثلاث اشهر ووداعا لسواد الركب

في بدايه موضوعي احب ان اقول ان الي بتبدي بالبرنامج لازم تلتزم بالشروط التالي:-
1- الصبر
2- الالتزام( يعني مو يوم اي وعشره لاء)
3- ما تستعمل خلطه ثانيه بس الي مكتوب بدون تحريف
الحين المهم واهي النظام اليومي لصفاء الجسم:-
1- كل يوم قبل السباحه بساعتين رش الجسم بعصير البطاط (يعصر البطاط بعصارة الجزر بدون ماء)
2-كل يوم قبل النوم دهن الجسم بالخلطه التاليه:-
2ملعقة روب
نص ملعقه كركم مطحون
1 ملعقه نشا
1 ملعقه ماء ورد
2 ملعقه هرده
1 ملعقه حليب بودر
1 ملعقه زيت اللوز المر
لا تخافون ترى الجسم راح يمتص الخلطه على طول يعني ما تاذي ولازم دهن الاماكن القامجه بالاول اذا خف السواد يدهن الجسم كامل وحتى المنطقه الحساسه عادي تحطين الخلطه عليها بس تبتعدين عن فتحة المهبل .
بس المتزوجه مو تنام عند ريلها بالخلطه ترى بيكون مصيرا 😐
بس في حل ان المتزوجه اذا ريلها طلع سيده عالمطبخ سوي الخلطه وقعدي فيها كثر ما تقدرين وقبل السباحه بنص ساعه رشي فوق الخلطه عصير البطاط.(هذي الطريقه بس للمتزوجات البنات يطبقون الفوق لانه اسرع بالمفعول).
وعقب السباحه لازم ترطيب الجسم باي مرطب انا افضل بيبي جونسن او نيفيا.
واثناء السباحه دهن الجسم بحمام زيت والي بامريكا في كريم مرطب اثناء السباحه من لوريال بس عجيب .
ولازم ثلاث مرات بالسبوع عمل سنفره لكامل الجسم انا افضل سنفرة المشمش او ملح الحليب من يوكو.
وحق المنطقه الحساسه (فنجان بودرة جونسن +2 ملعقه ماء ورد+ 1ملعقه زيت اللوز المر + املعقه سكر+ 1ملعقه ملح) هذي ماخذتها من منتدى ما اذكر اسمه ولا صاحبه الموضوع بس صج عجيبه بس لازم ثلاث مرات بالسبوع .
واخيرا احب انبهكم من اغلاط وايد احنه نسويها:
1- لازم لبس شورت قطن مع فنيله قطن نص جم لمنع الاحتكاك ولازم يا ابيض او بيج.
2- عدم استعمال الليمون لانه حمض والحمض يبيض بالبدايه بعدين يقلب لي سواد مزرق فرجاءا ابتعدو عنه.
3- نفس الشي الشبه خطره على الجسم وتبيض بالبدايه بعدين الصدمه سواد يخرع.
4- زيت اللوز المر عجيب للبشره والحامل تدهن بطنها وحلمة الصدر كل يوم وتنسى الخطوط او اغمجاج الحلمه وهذي على مساوليتي بس لازم من الشهر الثالث لي الولاده يوميا تدهن قبل النوم لمن ابو الشباب ينام 😆 hy: واذا تبين نعومه مع بياض خلطي معاه زيت الجلسرين والله خيالي للجسم ولا احسن اكريم.
والله يا بنات انا جربت البرنامج عجيب لان زوجي مسافر من خمس اشهر فقلت ليش ما اهتم وبعد الفره بالمنتديات سويت البرنامج والحين انا مستمره عليه لين يرد بالسلامه يا رب .
الي تستفيد تدعي لي ولزوجي وعيالي بالتوفيج وان الله يرده لي بالسلامه يا رب