جزاكم الفردوس الاعلى.. حلمي غريب..

حلمت اني في السنه الاخيره من الجامعه – وانا حالياً طالعه ثانيه جامعه ,,تخصص دعوه وثقافه اسلاميه- وجا موعد استلام وثائق التخرج ,, وقالو : ما حد يستلم وثيقته الا بعد ما يبلع (حيه صغيره) ويحلل ,, ويجيب نتيجة التحاليل الطبيه!!! واشوف البنات عادي ما هم مستغربين من هذا التعميم!!!!
وانا مرررره متقرفه ومعصبه ,, بعدين- اشتريت او احد اعطاني – علبه صغيره اسطوانيه فيها حيه صغيره _ لعبه مو حقيقيه_ وبلعتها ما ادري كيف,, وقابلت صحباتي واتكلمنا في هذا الموضوع ,, وقلتلهم انا بلعته بس لعبه مو حقيقي لكن باقي ما حللت ..قالت وحده من صديقاتي – اسمها بنان – زي هذا ؟ – و رفعتلي بيدها مثل العلبه اللي كانت فيها الحيه اللي بلعتها_ قلت : ايوه,, قالت ما ينفع,, لازم حيه حقيقيه!!! >و انا مره عصبت وقرفت …. ,, بعدين رحت مع وحده من صحباتي المقربات – اسمها منال – نمشي في الجامعه ,, و وقفنا على جدار وجمبنا مكتبه عاديه زي مكتبة التلفزيون اللي في البيوت,, وشفنا حيه صغيره حقيقيه زي اللعبه اللي بلعتها اول,, شفناها تمشي داخله فوق المكتبه من فتحه دائريه متوسطه ,, والمكتبه من فوق مغطى باالمنيوم اخضر شبه شفاف,, ودخلت واتلفلفت على نفسها وراسها فوق ونامت وهي مبتسمه وصاكه فمها ,, وانا وصديقتي نطالع فيها نبغى ناخذها بس ما نقدر,,
ورحت عند بابا_ اسمه محمد – وماما – اسمها صالحه – ابغى اشكيلهم وهم جالسين على فرشه كأنهم في رحله _ وهم داخل الجامعه اهلي_
ورحت جلست على طرف الفرشه ,, وفي نفسي بكاء بس كاتمته,, وقلت لبابا: ( بابا,, حسبي الله عليهم ,, كل مالهم يصعبون الدراسه ,, الحين درسنا وتعبنا وفي النهايه وقت تسليم الوثائق يقولون…….. –وبكيت ما قدرت امسك نفسي-< زي اللي في داخله هموووووم وما يبغى يبكي قدام احد ,, واشهق ,, قال بابا: ايوه – بقوه زي اذا احد يخاصم – قال : هيا كملي .. تخوفيني كذا ,, قولي ايش فيك ,, لا تتعبيني!!
(هيا يا بنت بلاش دلع ,, ترى اتقدمولك ناس ,, وما ابغى هذا الدلع ,, خلاص؟؟
وانا سكت ,, فاجأني مره ,, ولا عاد كملتله ايش فيّا ,, وجلست زي المصدومه ما اتكلمت ولا كلمه .. وانتهى الحلم!!!!!
– هذي الاحداث كلها داخل الجامعه في جامعتي ام القرى في مكه_
اللهم اجعله خير,,, وجزاك الله الفردوس الاعلى.. وحققلك ما تتمنيه يارب.