عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هذا جدول انا سويته علشان مانحوس وندوس وكل ماشفنا شي خمينها وبالاخير ماستفدنا شي
ومابي منك غير دعوة ان ربي يسخر لي خطيبي ويتمم علينا بخير
واذا فيه تصحيح بالجدول أو إضافة الموضوع تحت أمركم جميعا
1-اول شي لازم التقسيم يعتمد على مهرك
لان بنات مهورهم 25 وبنات 30 وبنات 40 وبنات أكثر
2-الاسعار تقديريه لانه تختلف من منطقه للثانيه ومن محل لمحل
3-مو كل شي ماركات وغالي لان الرجال مايدري غالي والارخيص المهم ماتكرري اللبس فهمتوا علي يعني ملابس الطلعات والسهرات غاليه وملابس البيت والاندر والنوم خلوها تكون متوسطة السعر وخذي من كل نوعيه حاجة وحده غاليه وماركة
يالله نبدا التقسيم
5000 ريال
المصورة + المكياج والتسريحة + الحلاوة والحمام اللي قبل العرس
1500 ريال
أيجار الفستان اذا كنتي بستاجرينه واذا بتفصلي او تشتري ميزانية اكبر
500 ريال
ملابس داخليه مكونة من (اطقم كاملة + كلوتات انفراديه ملونه وباشكال مختلفه + اندوير انفراديه وباشكال مختلفه) وممكن تاخذي طقم او طقمين غاليه من نعومي ولاسنزا يعني حق السهرات والخرجات)
واكرر واعيد الرجال مايفرقوا غالي والارخيص
واللي بتقول الرخيصه تخرب مع الغسيل اقولها جميع ملابسك الداخليه واقمصه النوم اذا جيتي تغسليها حطيها جوة اكياس الاورجنزا وغسليها وباذن الله مايجيها شي
1500 ريال
أقمصة نوم (طويلة + قصيرة + شفافة + أرواب اللي تجي ستان)
500 ريال
بجايم (شورتات + طويلة + برمودات) وانا اخذت واحد غالي من نعومي 3 قطع ب 179 والباقية اخذتها بحدود 20 لحد 50)
300 ريال
(كورساج + ستوكنغ + شراريب + هلهوب)
200 ريال
أقمصة البيت (حقت التنظيف والطبخ)
300 ريال
بناطيل (جنز + اسود +والباقي على كيفك)
300 ريال
تنانير قصيرة (السوق مليان اختاري مايناسبك)
500 ريال
بلايز وتوزنزات (مع البناطيل والتناير القصيرة)
2000 ريال
فساتين سهرة (خذي اثنين كفاية)
500 ريال
أقمصة سهرة قصيرة علشان اذا سهرتي انتي وزوجك
3000 ريال
ملابس طلعات (على حسب مجتمعك ناس تلبس تنانير طويلة وناس قصيرة وناس بناطيل وممكن تاخذين جلابية فخمة معها)
500 ريال
عبايات(وحدة رأس + وحدة كتف + غطاية + طرحة)
1500 ريال
مفارش سرير(واحد غالي وفخم + وواحد أو اثنين عملية)
500 ريال
الأجهزة (ام جوي للازلة الشعر حلوة ورخيصة + استشوار + مكر الكهرباء + أمشاط + بنس )
1500 ريال
العطور (خذي طقمين مجموعة كامله والباقي خليها مفرق وبذوقك)
1500 ريال
المكياج (اهم شي كريم الاساس يكون ماركة وحلو هوه والبودره + كحل + أي لينر+ قلوسات + أرواج + ظلال +بلاشر + عدسات +قلم حواجب +بودرة جسم بلمعة + إضاءات + مساكر + مثبت المكياج + كل وحدة تعرف الالوان اللي تناسبها والماركة او النوعية اللي تفضلها)
500 ريال
أغراض الصيدلية (غسول الفم + فوط + مناديل + اسكنيول + مقشر + صابونات + فرشاة + معجون + رغوة الجسم + شامبو + ديتول + اعواد القطن للاذن + فازلين + كريم مرطب + شفرات حلاقة + واشياء ماتتذكريها الا اذا شفتيها بالصيدلية)
500 ريال
طقم الروب للحمام نفرين يجيك 16 قطعة
500 ريال
مفرقات (كتب طبخ + كتاب رومانسيات زوجية + شنطة خياطة + مقص + فواحة + شموع + ولاعة ….الخ )
500 ريال
شنط + صنادل (بالأضافة للصنادل اللي عندك من قبل)
1000 ريال
ساعات (ساعتين كفاية لو لحقتي التخفيضات بتاخذيهم على 300 و400)
500 ريال
طقم شنط (اللي بتودين عفشك فيها) وخذي معها سبت وسلات بنفس لون الشنط علشان العطور والمكياج
وخذي كمان أكياس الارونجنز بنفس اللون علشان يكون كل عفشك بلون واحد ومرتب
1000 ريال
أكسسورات (سلاسل + خواتم + اسوار + حلق +اي شي يناسبك وتبغينه)
واللي عندها أشياء حلوة تاخذها معها انا عندي كل ملابس الخرجات كشخة وغالية وبحكم اني باتزوج واحد مو منطقتي يعني ماعمرهم شافوا لبسي باخذ كل ملابسي معي وباشتري بس لبسة وحده علشان اذا زرت اهلي
وبرضة باخذ معاي البناطيل الحلوة والبلايز الكشخة
ودمتم بود
وزي ماطلبتك اي وحده تقرا الجدول تدعي لي ربي يتمم علي بخير حتى لو ماردت عالموضوع تدعي لي بينها وبين نفسها
أستودعتكم الله
