عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم فراشاات
اليوم جايبه لكم مشكلة جاارتي واتمنى انكم تساعدونها لانها مسكينه وويتيمه وماعندها احد ينصحها
انا راح اتكلم على لسانها
تقول لها سنه وشوي متزوجين وعندهم ولد
تقول انا مهتمه بزوجي بكل شي لاكن ماعرف اقوله كلام حب لاني انطوائيه شوي وماني جريئه
استحي حتى من ظلي
كلمني وقالي ليه ماتكوني رومنسيه تقول قلتله علمني انا استحي اني اقول علمني دربني انت
قال وشلون اعلمك تعلمي انتي
تقول انا تعلمت اني اكون صلبه لاني انا من ربى اخواني واهتميت فيهم ماتعلمت اني اكون دلوعه
واقدر اصف كلام حنا تربينا على جفا ماعرفت كلمت احبك الا من زوجي وشلون يبيني في يوم وليله
اقوله شي انا ماتربيت عليه ولا اعرفه
تقول اكتشفت من شهر انه يراسل له وحده بس هي ماعطته وجه ولما واجهته انكر
تقول انا لي كم يوم جايه من عند اخواني كنت عندهم في العيد تقول فتحت جواله وهو مايدري ولقيت
له رسايل من اسم رجال بس رسائل مااتوقع ان فيه رجل يقولها واخذت الرقم واتصلت واكتشفت انها حرمه
وتقول مادري وش اسوي هو رجال ملتزم مادري كيف سلك ذا الطريق وانا احبه ومعي ولد
وتقول ماعاد اقدر افكر
تكفون يابنات اللي عندها حل لها المسكينه تقوله والله انها قطعت قلبي يوم تحكيلي قصتها
انا وعدتها اني الاقي لها حل وان الله يسخر لها زوجها ويرده لها
وللمعلوميه تقول ان زوجي يحبي وحنون جدا معها
