ثورة العرب …نعمة أم نقمة ؟؟؟؟؟؟

السلام عليكم :

تابعنا كلنا الجمعة اللي فاتت ثورات في معظم البلاد العربية

فمنذ أن نجحت ثورة تونس و تبعتها الثورة المصرية حتى امتلأ الوطن العريي بالمظاهرات الداعية لرفض النظام الظالم كما يقولون

ليبيا … اليمن … العراق … الأردن … موريتانيا .. الجزائر …و مصر و تونس لإزاله بقايا النظام القديم ….

و حتى إيران قامت فيها مظاهرات بس مش مركزين عليها ….و سوريا كالستار الحديد بالنسبة للجميع ..لا أحد يعلم عنها شيئا سواء خير أو شر ….

الغريب ان يوم الجمعة اللي فاتت اكتشفت ان في كذا علم لكذا دوله عربية متشابه جدا مع العلم المصري و تهت ما بينهم

المهم انقسم الناس في تحليل الثورات دي إلى فريقين …..

فريق مؤيد لهذه الثورات ( و انا هنا مذكرتش مظاهرات البحرين لان في كتير بيعلقوا انها طائفية ) …..و بيقول ان الثورات دي قامت بعد ما الظلم فاق الحد في كتير من بلدان الوطن العربي …و بعد ما الناس يأست من الإصلاح بالطريق السلمي و زاد التعذيب و السرقة لدرجة لا تحتمل …….. و الدليل أن البلدان المستقرة اللي مفيهاش ظلم كبير مقامتشي فيها مظاهرات ….

و الفريق ده بيؤكد انه قيام المظاهرات في وقت واحد طبيعي ..مفي كتير من الدول عملت ثورات على الملكية بعد ثورة مصر على الملكية في 52 زي العراق و ليبيا و غيرها …طبيبعي الشعوب بتقلد بعض و خصوصا لو الظلم مشترك بين الشعوب ……

و فريق معارض ..بيقول ان في يد خفية ورا كل المظاهرات دي في وقت واحد …..و هدفها احداث فتنة و زعزعة الإستقرار في الوطن العربي عشان يزيد ضعفه أكتر و أكتر ..و يزين الانقسام ما بينه و بين بعض …..و الدليل على كده تركيز القنوات على المظاهرات في الوطن العربي و اغفال المظاهرات في دول اخرى كإيران مثلا ….

انتي مع مين فيهم ؟؟ و ليه ..؟؟؟

يهمني مشاركة الجميع في الحوار …مارأيك انت؟؟؟؟