عالم البنات النسائي كل ما يخص المرأة العربية من ازياء وجمال والحياة الزوجية والمطبخ
المقادير..
* توست طري حسب مقاس الصينية
* ربع كيلو دجاج
* كيلو جبنة اي نوع مثل الشيدر او البارميزان او موزاريلا (للحشوة يفضل جبن مقطع…للزينة فووق يفضل جبنة مبشورة)
* واحد كوب حليب
* 4 بيضات
* مايونيز
الحشوة..
* دجاج طبعا تطبخيه وتقطعيه قطع صغيرة..وفنفس الوقت تطبخي البصل وتضيفي له سمن شوية بس وبعدين فلفل يفضل يكون الرومي او الحلو علشان النكهة..وبعد ما يتحمر تضيفي عليه قطع ماجي 2..وبعدين تضيفي الجزر المبشور والبقدونس..تطلع الخلطة اوكي
الصلصلة اللي فوق..
* عبارة عن حليب وبيض وبهارات فلفل وملح..
الطريقة….>>>
1. تدهن الصينية بالسمن.
2. شيلي الحواجز اليابسة اللي بالتوست وصفيها بالصينية بعد ما تكوني سقيتيها بالحليب..يعني رطبيها بالحليب.
3. ادهني الطبقة بالماينويز.
4. وبعدين حطي حشوة الدجاج بطريقة مرتبة فوق الطبقة..
5. ومن ثم حطي الجبن مثل اللي بالصورة .
6.. وفوق الحشوة والجبنة حطي توست مرة ثانية بنفس الطريقة..يعني اغمسيها بالحليب وصفيها كطبقة جديدة.
7. والحين جا دووور الصلصلة..(انا سميتها صلصلة بس ماعرف شو اسمها)..المهم اسكبيها فوق التوست بالصينية ..ومن ثم غطي الواجهة بالجبنة المبشوووورة.
8. اتركيه 5 دقايق قبل دخوول الفرن..وبعدين دخليها الفرن لمدة نصف ساعة لحد ما يتحمر الوجه..وبيطلع مثل هذي النتيجة.
وفالاخير قدميها بالهنا والشفــــــــــا^_^
