عالم البنات النسائي كل ما يخص المرأة العربية من ازياء وجمال والحياة الزوجية والمطبخ
تورته عيد ميلاد مريومه حبيبتى
انا عملتلها اتنين انما اى تحفه اتفضلوووووووووووووو
المكونات
لعمل تورته واحدة
5 بيضات
210 ج دقيق
140ج سكر
10 ج محسن كيك
5 ج بيكنج بودر
50 ج فانيليا
50 ج ميا
15 ج كاكاو لو بالشيكولاته
للتزيين
فاكهه الموسم / كريز
شيكولاته للوجه
كريم شانتيه
طريقه عمل صوص الشيكولاته او الجاناش الوجه
50 ميا
100كريمه لبانى
70 سكر
معلقه عسل
40 ج كاكاو
جيلاتينه منقوعه فى نصف كبايه ميا
75 ج شيكولاته خام
نضع الميا والكريمه اللبانى والسكر والعسل على النار حتى يذوب تماما ويغلى
ثم نضع كاكاو بعد نخله مع الشيكولاته الخام مع الجيلاتينه وعندما يسيح المكونات جميعا قبل الغليان درجه
الحرارة 60 نطفى عليها ونتركها تبرد تماما
طريقه عمل الكريمه اللبانى
كبايه زبادى
كبايه لبن
معلقه نشا او دقيق
نصف كبايه سكر
نضرب كله فى الخلاط حتى يتجانس ونضعها على النار حتى تغلظ قوامها ونطفى عليها
طريقه عمل التورته
نضع بياض البيض داخل العجان او الخلاط ونضربه بنصف كميه السكر البودرة حتى يتجانس ويبقى مثل المرينج
نضع الصفار مع الفانيليا مع السكر مع المحسن ونضرب كويس جدا
ثم نضع الدقيق والبيكنج بودر عليها ونقلب جيدا وبعد ذالك نضع البياض ونقلب والميا
وبعد ما يتجانس نضعها داخل الصنيه ونضعها فى فرن 200 درجه حتى 45 دقيقه
بعد ذالك نقلبها على سيك حتى تبرد ونقسمها ونسقيها شراب سكرى ونحشيها
كريم شانتيه او مربه انا حشتها مربه
نغلفها من الخارج بالكريم شانتيه بعد قطع الحروف ونتركها داخل الثلاجه حتى تبرد
بعد ما بردت نطلعها ونسكب عليها خليط الشيكولاته تكون على سلك ويكون تحتها صنيه
ونتركها حتى تبرد قليلا ونضعها داخل الثلاجه 10 دقايق
وبعد ذالك نجملها بالفاكهه او بالكريم شانتيه ونكتب عليها ما نريد
وبالهنا والشفا
دة شكل التورته بعد التقطيع
ودة قطعه مع كبايه سفن
ودة قطعه لاول واحدة تدخل تهنينى
انا واخدة فكرة الاناناس من الفيديو دة
وفكرة الشيكولاته الجاناش من هنا
دة تورته عيد ميلاد مريم الاول والتانى كنت حامل فى محمد مقدرتش اعملووو
