تنبيه هام للمعلمات ولغير المعلمات..

بسم الله الرحمن الرحيم

الحمد لله رب العالمين ,, والصلاة والسلام على اشرف الانبياء والمرسلين ,, نبينا محمد وعلى اله وصحبه اجمعين,,

لن اطيل في المقدمه فالموضوع باختصار..

تنبيه وتذكير للجميع ولكن اخص بذلك المعلمات..

إيااااااااااااااااااك وظلم الطالبات .. << او اي احد..

للاسف البعض من المعلمات تتساهل في ظلم الطالبات بقصد او بغير قصد
وتنسى حرمة الظلم .. وعقوبته ..

قبل 9 سنوات تقريبا وانا بالمتوسط جاءتنا معلمه وكلفوها بالنظام
وكانت انواع الظلم والقسوه بحجة ضبط النظام ..
وإذا جاءت الأمهات الصقت انواع التهم ببناتهن << حتى ان المعلمات من حولها ينكرن اقوالها امام الامهات
باسلوب مثلا ((يا … تأكدي الطالبه ذي محترمه ومستحيل يكون اللي تقولين فيها )) وتصر على كلامها

وللاسف كل الطالبات يدعون عليها وهي تسمع احيانا وترد عليهم ربي اعلم بنيتي<< لا ياحلوه ربي ما يرضى بالظلم

المهم من شهر او اكثر اجتمعت بصديقتي واخواتها وتذكرناها وقامت اختي واخوات صديقتي يدعون عليها
قلت لهم :: خلاص سامحوها لوجه الله قالوا لا والله نسامح كل معلمه الا هي واستمروا في الدعاء
وبالقوه غيرنا الموضوع ..

وقابلت صديقه اخرى ونفس الشيء تقول ما أعرف احد الا يدعي عليها ..

طيب ليه الظلم ليه ما تتعاملين مع الطالبات بأخلاق وتكسبي دعواتهم بدل ما يدعوا عليك

المفاجأه

من كم يوم تكلمني صديقتي اللي هي من جماعتها تقول تذكرين الاستاذه فلانه ؟؟
ضحكت قلت وش فيكم عليها ؟؟ حظها بالأجر مستلمينها البنات سب ودعاوي ..
قالت :: تدرين انها اصيبت بجلطه وداخله بغيبوبه ..

هنا من جد دمعت عيوني .. ما أدري ليه .؟؟
تذكرت إن الله يمهل ولا يهمل ..
تذكرت انو مهما استقوى الانسان وشاف نفسه يبقى ضعيف ..

ماعلمت اختي وصديقاتي الثانيات خفت يفرحوا باللي جاها لان من جد مو قادرين يسامحوها ..

أسأل الله أن يجعل ما أصابها تكفيرا لذنوبها وأن يغفر لنا ولها ..

وبما أني تكلمت عن المعلمات اتمنى تنتبهوا لنقطه اخرى ::

البنات امانه عندكم فأحسنوا تعليمهم ولا يكن هدفكم راتب تستلموه اخر الشهر
والله يقويكم ويبارك في جهودكم ..