تمليس الشعر(افضل منتج)من تجربتي

بس محد افتقدني زعلانه عليكم
بس مااقدر استغنى عن نصايحكم وافيدكم بتجاربي صايره حقل تجارب

المهم انا شعري فيه مطبااااااااااات مستعصيه جداااامهما سويتلها تعاندي بس الحمدلله شعري كثيييييييييف قولوا ماشاء الله بعدين المطبات تزيد

كنت املس من زماااان وكان يطيح جربت سوفت اند بيوتيفول وفرد الاطفال و ويلستريد الاريحته خااااااااااايسه ومضطره اتحمل شعري اتبهذل بس المهم تروح المطبات وافتك وانعدددددم شعري مرررره

بعدها قررت ماافرد بس بعد 7 شهور راسي صار مثل النخله وماينفع شكلي بدون فرد رحت لصالون افرد اخذت مني 300 ريال والله فرد مايسوى شعري طااااااااااااااااح مع انه ناسب اختي مره
ادري طولتها بس عشان اقولكم معاناتي

بعدها بسنه قررت افرد انا بالبيت
رحت للصيدله قلتله ابي فرد بس يناسبني لان شعري مجعد وفروتي حسااااسه مايتحمل فرد عطاني دوا فرد خطيررررررررررررر

اسمه (بوتانيكالز) والنوع عادي لفروة الراس الحساسه لان في منه قووووي انا اخذت عادي

الطريقه الا انا سويتها وحصلت على فرد خطيررررررررر الحمدالله والله يابنات ماطيح ولااشعره ولاعدمه ولاصار مطاط مثل باقي الفرد

تخلطي كل شيء مثل ماهو مكتوب بالنشره بس تضيفين عليه حمام الاعشاب من ويلا الاخضر وكثري شوي وتكونين من قبل مستشوره شعرك بس لازم الشعر مايكون نظيف يعني ماغسلتيه من 4 ايام وحاطه على منابت الشعر الخارجيه فازلين وخلف الاذن وفي الرقبه من الخلف كميه كثيره شوي

وابدئي الفرد تاخذي خصله خصله وحطي عليها كميه مناسبه من افرد ابدئي من تحت الين فوق بعد ماتخلصي ابدئي بيدك امحسي على شعرك من قدام لورا مع الضغط عشان ينفرد اكثر بس بدون شد والضغط يكون خفيف واستمري على هالحال الين تحسي شعرك فرد او الين تخلصي المده المطلوبه للفرد انا اشوف ان ربع ساعه كاااااافي من يوم ماتخلصي

انا اتركه ربع ساعه من يوم مااخلص فرد مومن يوم ماابدي احط الفرد واتروش بالشامبو الموجود مع التمليس
واحط ويلا واتركه 5 دقايق واغسله وشوووووووووووووووووووفي كيف الشعر