عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أولاً : حبيت أعتذر عن اللي أزعج اخواتي رغم
اني ما قلت شي يخدش الحياء ولا اي كلمة
فاضحة ،، ورغم هذا كل التقدير لكم ويعلم الله ماكتبت الا من قهر
ثانياً : ترا انا دخولي قليل لأن ماعندي انترنت ،
يادوب ادخل من الجوال عشان كذا ما اقدر ارد كل
شوي وادخل كل يوم بس والله اني اتابعكم يومياً
عن طريق الجوال
وما اشوف الرسائل الخاصة الا اذا دخلت من
الكمبيوتر
ثالثاً : ألف شكر لكل اللي ردو علي فموضوعي
الأول ويعلم الله اليوم كنت صايمة ودعيتلكم مع
الفطور صح ما اعرفكم ولا اقدر اعددكم وحدة
وحدة لكن كل من ساعدتني ودعتلي ربي يعلمها
عالم الغيب والشهادة والله يقبلها ان شاء الله
رابعاً : أنا بديت من اليوم شوفوا جدولي
وانصحوني
أنا من سكان خميس مشيط للي سألوني
طيب 1- قريت ريجيم 30 كيلو في 12 يوم
وقريت عن الصيام الطبي تبع ديانا كرزون
قررت اعدل من عندي
أول شي بما انا مقبلين على رمضان قلت خليني
اصوووم واخذ الآجر والفايدة
وغير كذا عشان ما اخذ راحتي في الأكل
اليوم 1 : 3 رطب + 2 مويا قبل الفجر
و3 رطب + 2 مويا الفطور + حبة من فيتامينات
سنتروم < من عند الدكتورة طبعاً
حسيت اني نشيطة وانا صايمة يابنات وربي رتبت
البيت الحمدالله بدون كسل
لأني ماعطيت نفسي فرصة اجلس وآكل .
الريجيم الأصلي يقول 3 ايام مويا
3 ايام تفاح او شمام
3 ايام عصير تفاح
3 ايام زبادي الرشاقة
اما تعديلي عليه بيكون صوووم
و 3 ايام مويا ورطب
3 ايام تفاح + كل ساعتين كوب مويا
3 ايام عصير تفاح بدون سكر ويقولون الاناناس
حلو بس يقولون بعد كثره يجيب تكيس مبايض
3 زبادي الرشاقة
ان شاء الله
واريح فترة بس ابعد عن الدهون والمقالي والحلويات قد ما اقدر
عشان ارجع اكمل الريجيم بعد فترة وجسمي مرتاح
اما الجسم والبشرة
1- مقشر الذرة الزرقا من ذا بودي شوب مرتين
في الاسبوع بـ 46 ريال اظن بس مايتعدا الـ50
2- زبادي منتهي الصلاحية مع حلبة بس المشكلة
زوجي عنده اجازة “” الحلبة ماتنحط عالخشم
تكبره ، وتنفخ الخدود “”
3- صنفرة كاب ماتسوي شي احس ما نفعتني ابد
4- ابغى اشتري بدلة ساونا بس وين الاقيها
بخميس مشيط وكم سعرها
لاني ناويه اخلط خل تفاح وزيتون واحطها على
جسمي والبس البدلة واشتغل
عشان يستفيد جسمي بياض ورشاقة بس
ساعدوني
5- اخذت حجر القدم بس اي واحد استخدم اللي
حجر اسود ولا اللي مبرد جهة ناعمة وجهة خشنة
وضحولي اكثر
والفازلين لوشن فازلين ولا جلي فازلين
6-جبت كريم 21 البرتقالي الدائري وخلطت معاه
نشاء وماء ورد طائفي بخلاط الكيك ورجعته
العلبة وشرايكم كيف استخدمه
لانه معطر واذا حطيته يجلس شوي ويتحول النشا
بودرة على الجسم
7- فكرت اخلط الزبادي المنتهي مع كمون بدل
الحلبة وشرايكم
الشعر :
بالنسبة للي سألتني عن شعري وعن الغدة الدرقية
انا شعري الحمد الله تساقطه مو كثير ولا هو
خفيف يعني وسط حليو ماعليه الحمدالله
بس خوفتيني من الغدة يمكن هي اللي لاعبة
فحسبتي بس انا سويت تحليل ثاني يوم دورة
وقالوا الغدد والهرمونات كويسة ما ادري هل
التحليل يشمل الغدة الدرقية ولا لأ
اللي يقولون اني مهملة والله مو اهمال اني احاول
قد ما اقدر
بس والله محد يدري كيف عشت انا والله ما حد
علمني وقال لا تحبين على ركبك لا تتكين على
اكواعك
ولا احد قاللي انتبهي على اكلك يافلانة
والحمدالله اني حاولت اعتمد على نفسي وان شاء
الله اقدر
واذا في كريمات قولولي غير الريتين أ لانه ما
سوى ولا شي في ركبي الجميلة وما ابغى شي
يأثر على فرص الحمل ابغى كريم طبي
وبالاسعار تكفوووون
ايه نسيت وكمان باربط بطني بشااال اذا جيت
اشتغل
عشان ينشد على جوووا
وبارقص مصري
بس يابنات زوووجي عنده اجازة عشان كذا
باطبق الريجيم والنظام على خفيف عشان يتقبله
جسمي واهيئ نفسي واذا سافرت لأهلي باكمل
النظام باشد من كذا
وترا ماعندي ميزان بكم سعره ؟؟
ولو ماقدرت اشتري عندي بنطلون جينز كان يدخل
فيني ومعد دخل
بآخذه مقياس لانه مو مطاط ولا يتمدد مقاسه ثابت
عشان اعرف انا نحفت ولا لأ
وشراااايكم يعلم الله انكم احسن من الاخوات وربي
وزيدوني وصفات ونصايح الله يوفقكم ويرزقكم
ويجزيكم الف خير انتوا ساعدتوني انا احافظ على
بيتي واعف زوجي ان شاء والله واجركم مايضيع
ان شاء الله 
