عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا بالغاليات الله لا يهينكم أنا شعري مشكلته مشكله ..
أول شي بقولكم عن نفسي قبل تسألوني :عمري : 22 سنه أو 23 سنه.. ولا نيب متزوجه..
المهم شعري من يومي صغيره والحمدلله كان ناعم وأوكي مهوب ناشف وكثيف..
بس من صار عمري 18سنه إلى الحين وشعري مابقى به إلا شوي تساقط بقووووووه كله,
وحتى من المقدمه اعني من الأمام خفيف بالحيل,,
حتى اكبرت صلافتي واجد وطلعت لي فراغات ..
وصار الطبقه الثلاث ارباع الفوقيه ناشفه جاااااااااااااااااااااااااااااااااااااااافه مقصفه بالقوووه,,
اما الربع الباقي الللي تحت عند رقبتي اوكي رطب بس بدت أطرافها تتقصف وتنشف ..
والغريب بشعري برضو – الطبقه الفوقيه يعني الثلاث ارباع – اللي مهيب ناعمه
من عند القدله لين قرب الرقبه – صاير شكله عجيب ( شفتي شريط الكاسيت لما تسحبينه
تبين تقطعينه يصير سميك ونحيف شكله يصير غبي أنا الشعره الوحده من شعري كذا
ناشفه مقصفه سميكه نحيفه.. سميكه نحيفه )
وانا ولله الحمد تعاملي مع شعري زين ما أضره بالاستشوار نااااااااادر ما استشوره
بالثلاث الشهور تقريبا مره وحده – لأني ألفه طاقيه بالمشابك اسبوعياً – ,
ودايم ادهن شعري قبل الشامبو سواء بزيت سمسم او املا او زيتون او (حشيش وادي النحل )
وبالفتره الأخيره خلطتهم سوى كل بوهم ..
اتمنى اشعري يطول بس للأسف ( الشعر الطويل قليل حيييييييييل نفسه الي قلت لك الطبقه الربع
التحتيه الي عند الرقبه الي بدت تخرب هاذي هي الطويله واصلة ربع ظهري بس
صارت قليييييييييييييييله –غريب- )
والشعر الي صار خشن وجاف – الي هو الثلاث ارباع – مهوب راضي يطول مدري
وش عنده طوله بطيئ بقووووه ..
وبرضوا صاير شعري ينفش وااااااااااجد عقب الشامبو وتراني ما اكثر الشامبو ابد ( وبغيت اخبركم
قبل مايخرب شعري ماكان يحتاج لـ اللف طاقيه بالمشابك اما الحين مايتصفف ولا يتمشط لين ألفه
اربع جهات كل جهه 3 ساعات والله مايسوى عليه وان مالفيته عقب الماي لازم ينفش خاصه
الثلاث ارباع الفوقي ينفش كله كثيييييييييييييييييير وشكله تالف وترى دوم اقصه بس لامفر من هالحاله )
وبرضوا شعري من يبوسته صاير يتكسر كثير ومثلا اليوم قصيت اطرافه يومين وهو مقصف اذا
ماتقصف اليوم الثاني..
تكفووووون ابي شوور ماانساكم عقبه من الدعا ودي بشي مضمون 10000%
والله تعبت حييييييييييل معه وتعبت وانا احاول اعالجه مابي احد ينسخ لي ويلصق الله لا يهينكم
ودي بأحد مجرب قبل خبير
لا هنتم يالحبايب وانا ابتحمل أي شي المهم شعري يزين بس عاد لاتروحون تقصون علي ..
ايه صح ذكرت وترى كل ماخذيت لي شهر اقص اطرافه .. الله لايهينكم
والحمدلله على كل حال..
