عالم البنات النسائي كل ما يخص المرأة العربية من ازياء وجمال والحياة الزوجية والمطبخ
برنامج فيايفي مره حلو بالنسبه للشاي الاعشاب ((مرميه /اعواد شيح/حبة سوداء/قرفه/حزاه/قيصوم/كمون/نونخه/يانسون/قشر القهوه))
من كل نوع نصف كوب ماعدا المرميه كوب وحطيه في علية وكل ماتصحين في الصباح سوي لك ماء مقلي وحطي من الاعشاب المخلطه فنجان وعبي ترمس وخليه عندك على اقل 3 اوكاب باليوم
وبالنسبه للتمر المعبوج
((تمر /سمن غنم او زبده/حب الرشاد/حبة سوداء/سمسم))
تاكلينه في اي وقت
منقوع((عنزروت/مره/شويه نتفةمحلب)) تنقعين في كوب او علبة صحه وتحطينه في الثلاجه بعد الغدا بربع ساعه تشربينه بس اهم شيئ مايكون بارد وماتكثرين فيه المحلب في العشرين الاولى
اللهموم او مايسمى بالسفوف ملعقتين في الصباح على الريق مع كوب حليب
((فنجان حلبه/نصف كوب حبة سوداء/فنجان حبة حلوة/م.ك قرنفل )) طبعا هذا اللهوم في العشرين الاولى <الايام الاولى باربعينك>
الخمس الايام الاولى لا تغسلين شعرك انتبهي ولا تتعرضين لتيار المكيف تحملي الحره وكل ماحتريتي يكون احسن لك علشان مايصيبك خوا الراس ..
((في العشرين الاخيره في نفاسك))
اللهموم بس مو نفس اللهوم في العشرين الاولى
((كوب حبة سودا/م.ك قرنفل/م.ك قرفه/م.ك نونخه/م.ص محلب/فنجان كمون/فنجان حبة حلوة/فنجان رشاد))
انتبهي من شرب الحلبه في الايام الاخيره لانها تسبب رخاوه في الرحم وكذلك تكبر الصدر وماتنشفك
وانتبهي من شرب المحلب في الايام الاولى فقط في المنقوع ونتفه لان ينشف الرحم على خراب ولا ينظفه وكذلك الرشاد
استمري طول الاربعين على شاي الاعشاب اللي ذكرته لك اول وكذلك التمر المعبوج وكذلك المنقوع
الكبو ((خواجوا/حلتيته/محلب/مره/قشر القهوه/قشرالبصل اليابس اللي عندك في البيت/هدب اثل/ورق الحناء /عودالهواء/فلفل الهوا))
تحاميل ورووووووعه اختي سوتها والله يعينها علي هي اللي بتسويهن لي
مره/ملح خشن/محلب /عسل طبيعي
طبعا تطحن الملح والمره وامحلب وتعجنهن بالعسل وتسويه صغير كبر فصم التمر وتضعهم في مكان ناااشف الين ماينشفون لاتكثرين العسل علشان يسهل عليك العجن لا توضع بالفريزر لا تحتاج واذا وضعتيها بالفريزر تكون ناشفه بعد ماتيبسينها وماتحطينها بارده انتبهي
بالنسبه للغسول حلو انك تغسلين بالملح
وكذلك غسول المره حلو وغسول طبي تكتبه لك الدكتوره
تنبييييه!!!
قشر الرمان لاتستعملينه لا شرب ولا غسول لانه ممكن يقطع لك الدورة
انا اعرف وحده تطبب تقول قشر الرمان لليبون الدورة تنقطع معهم يشربونها تخيلي ممكن تسبب لك شيئ انتي مانتي قد علاجه
حتى عصير الرمان ابعدي عنه اختي كانت تشربه في اول اسبع من نفاسها وتورطة في حملها الاول انقطع الدم بدري وبعدين صار يوم في دم ويومين مااافي دم استمرت على هالحال 4شهووور شيئ يطفش دوره ماتنقطع
