عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قوه بنات
انا مشكلتي مشكله والله حالي يصعب على الكافر والله اول مره اتجرأ واكتب بس والله كتب لكم عشان تفهموني وتساعدوني مابي منكم غير انكم تفهمون
سالفتي وبختصار انا حبيت واحد وعلاقتي معاه 3 سنين كل شي سويناه كل مكان رحنا سب وضحك وزعل
والله في اشياء تصير بحسن نيه
انا اللي ماتوقعت احب اا اللي يشوفني قبل يستغرب بس ماقول غير يارب اهديني
تخيلووووو اجمل 3 سنين كانت وياه والله ثم والله نيتنا شريفه
ومره دق يقول نبي نلتزم ومن هالكلام وانا حسيت بالذنب وفعلا التزمت وليومكم هذا مااطوف فرض وكله ادعي بان ربي يكون بعوني
بس المشكله موقادره انساه اجذب ان قلت انساه كل يوم تدمع عيني
المصيبه اهي انه قبل يومين كان عرسه اي عرسه انا ماني مقهوره تدرون ليش لاني اتمناله الخير
وموهذي المصيبه انه يدق علي ومايتحمل قلبه طيب
والفاجعه اللي بغيت انشل منها توه دق علي يبجي بجي قسم بالله من غير لااعرف بجيت معاه يمكن نص ساعه واهو يبجي وانا اهديه واصارخ اقوله اذكر الله مافي شي يستاهل 
لايكون تهاوشت مع زوجتك عيب المهم كنت احاول اسوي معاه خير
بس قالي والله اني تذكرتج وماتحملت
انا غبي ماتزوجتج ويبجي حييييييل تخيلو دمعه الرجال عاد
قلتله اذكر الله وروح لزوجتك اللي تنطرك وبلا سوالف ورعان عيب انت كبير حاول تنسى انا رديت عليك لاني مابي اكسر فيك لاني اعرف قلبك الطيب
قالي انشالله بحاول
قلتله روح لها وطيب خاطرها وطلعو استانسو قال الله كريم
وقلتله اذا تحبني صج لاتزعل زوجتك
انا ادري اني غلطانه بس لحد يلومني تكفون لاتلوموني
انا قاعده احاول اساعده بالخير وابعد عنه شوي شوي لين ربي يقدرني
وبالاخير ادعولي يابنات بالخير انا محتاجه دعائكم
