عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي عضوات الفراشة انا في كرب وضيق من امري اسأل الله لي الفرج وان يبدل مافيه بالسعادة والفرح
انا متزوجة وام لولدين زوجي انسان طيب يحبنا ولايقصر معنا منذ ثلاث سنوات نقل من مدينة الى مدينتنا الحاليه وهو في السلك العسكري تعرف على زملاء الله لايبارك فيهم ولايوفقهم اينما ذهبو علموه على الحشيش واصبح مدمن حشيش لايتسطيع البعد عنه سكت وكتمت الامر في البداية حاولةان اصلح من امره وحدي لم استطع استعنت بااخواني فالبدايه اتفقنا نقول له ان العسكر هالفترة ينعمل لهم تحليل مفأجئ بدون مانحسسه ان اخواني يدرون عنه شي حسيته بعد شوي لكن رجع بعد فترة اضطريت بعدها ابلغ ابوي وابوي بلغ اخو زوجي وجلسو معاه وهدده ابوى انه ياخذني منه ويخلي العيال عنده وقتها خاف وعقل كم اسبوع ورجع انا في ضييق فضيع اعرف طيبة زوجي وحبه لنا وتفانيه في اسعادنا لكن الادمان على الحشيش زاد لدرجة لو مامعاه فلوس تخيلو يروح يحمل ركاب ويوديهم لجل ياخذ قيمة الحشيش طبعا انا اخذ الراتب كله منه ومعاي بطاقه الصراف وهو في قرارتة نفسه يعفر انى صح عشان كذا مسلمني كل شي لانه يخاف يضعف ويصرف الراتب على الحشيش المشكلهاصحابه الفاسدين اقل منه رتبه واحسهم يستغلونه لجل يشتري لهم هم بعد حشيش حسبي الله ونعم الوكيل مااغير استغفر وادعي ربي الله يكفينا شرهم وشر هالحشيش الي قلب حياتي راسأ على عقب شوري على ياخواتي وش اسوي ومن منكم قد كانت في موقفي وكيف تصرفت انا افكر انقل لرياض هل توافقوني الراي اقلها ابعده عن هالفاسدين تكفوون لاتخلوني ربي يكتب لكم الاجر ويبعد عنكم عيال الحرام الي بيهدون لي بيتي
