عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اولا الله يجزاها خير من دخلت موضوعى ودعت لى فى ظهر الغيب او ردت على
لكن واله ان راسي بينفجر وحالتى النفسيه جداااا صعبه ابي حل ابي اعرف هل انا فعلااااا صح ولا غلط
وراح اقولكم قصتى وبختصرها باذن الله
طبعا انا مطلقه من قبل
جى واحد من قبيله ثانيه وخطبنى وقال انه جى عن طريق سمعتى وشهادة الكل عنى
فالله لم يحرمنى من الجمال ولا الاخلاق والا العلم ولا الثقافه ولا الدين ولا الاحترام وكل شئ عارفته بفضل الله ثم بفضل قدوتى والدتى وحبي للقرائه ومساعدة الكل
ووالله انى اصغر العنقود فى بيت اهلى ومرفهينى والكل يستشيرنى لمعرفتهم بانصافى وبعقلى وحكمتى فالله الحمد والمنه محبوبه عند والدينى واخوتى وزوجات اخوانى وكل اقاربي
حتى طليقى اقسم بالله يدعى لى وامه تبكى اذا كلمتنى تدعيلى وسبب الطلاق كان باتفاق بيننا
المهم خطبنى هذا الرجل وجى وشافنى وشفته والله اعجبت فيه وهو نفس الشئ وتعقنا فى بعض بشكل سريع
واليوم الثانى جاب المهر والمملك وقال طلباتكم اوامر
طبعا وبدا يكلمنى بالتلفون ماتتصورون كلامه المعسول
وعرفت منه انه متزوج وزوجته ام عياله منفصل عنها وسبق وطلقها مرتين ويوقول وجودها زي عدمه
وقال معه زوجه ثانيه مريضه نفسيا وتعبانه كل يوم بمستشفى وعند اهلها وقال صعبه اطلقها وهى مريضه
وتمسكن وقلت صح صعبه وقال انه بيسكن الرياض لانه مل من ديرته وهى قريه نائيه وقال بتجيه دوره سنه فى الرياض وبعدها بينقل مؤسسته
وبينقل للرياض وهو مدير مدرسه
وتم كل شئ وانا فرحانه فيه وبكلامه وباسلوبه طررررررررررت من الفرح ماخليت شئ زين الا وجبته له
وهدايا وجهزته مثل تجهيزي لنفسي اشترى من كل شئ اثنين لى وله
وسويت شئ والله ماتوقعت انى مبدعه من تجهيزات الحفل وكله شغل يدي وكنت فرحاااااااانه بطير من الفرح
وامى نفس الشئ وكل شوى رسائل وكلام وووووووووو
تمت ملكتنا ثلاث شهور وتاجلت دورته الى شهر ذالحجه وقال مقدر اصبر لشهر ذو الحجه وقرب الزواج وخلاه ثالث ايام عيد الفطر
وتزوجنا لكن والله مالكم على يمين من اول يوم وانا ابكى انصدمت منه
وكنت اقوله انا اجهز عشان ليليه العمر هل انت مثلى قال انا قبلك اعد وامسح
من اول وم لقيته ماحط فى البيت شئذ مع العلم كان معاى مفتاح لشقتنا وكنت اجهز واحط لدرجة انى سويت كوشه على الدرج وفى المجلس كله شغل يد
لقيته من اول يوم يرسل رسائل ويكلم فى المجلس بعيد عنى
لقيته يصرفنى جيبي مويه من اول يوم قلت ابشر عيونى اروح اجيب القاه ماسك الجوال ومره يقول اكلم عيالى
ولمحتله انى متظايقه من هذا الشئ وقلت هذى ليلتنا
تخيلوووو حتى العشا مافكر يجيب عشا او حلا و اى شئ وقلت معليه
ماهمنى واليوم الثانى صباحيتى صحى وقال صلحى قهوه وقلت ابشر صلحتها له
وتقهوا وارسلت مى الفطور علينا وافطر ولبس غترته وطلع
وجى الظهر قال يالله انا بروح اتغدا وترى فى الليل معزوم لزواج صديقى
انهبلت منه وبكيت وقلتله ليش كذا قال عاد اجل تبين تصكين الباب على
وقلت براحته وتلصدمه الثانيه جلس عندى فقط ثلاث ايام وقال بروح لمدرستى فى الديره يعنى ما خذا اجازه مع العلم انه قالى باخذ اجزه وبنسافر كم يوم حتى لو للشرقيه
والله ماطلعنا سوا تعرفون ثانى يوم وين ودانى ودنى على العثيم قال يالله خذى مقاضى الثلاجه عشان تطبخين
هذى اول تمشيه وكان قبلها العصر طالع يشتريله بلوتوث
والصدمه لقيت بلوتوثه مسجله برقم جواله يعنى معقوووووول مدير مدرسه مرااااااااهق وهوا عمره 40 سنه
وقلتله عن الملاحظه وانحرج ولا همتنى الغريب الان بدا مايرسل ل رسايل
والمكالمات اللى كانت كم مكالمه فى اليوم صارت مكالمين رسميات
وهوا فى الديره وصار يجينى فقط اربعا ف ى الليل والخميس والجمعه الظهر يمشي
تعبت نفسيتى وحالتى وصرت انحف واتعب وصرت ابكى فى الليل من الالم والصدمه وواجهته بكلامه اللى قالى قبل
قال وانت تصدقين اى شئ وصار ينكر كلامه
والان اناااااا تعبااااااانه مرررررره نفسيتى صارت زفت وحاولت اذا جى اقابله بجوووو حب وحنان واستقبله وادلعه بس مافى فايده
وقالى فى يوم انه زوجته الثانه معها نفس وشكل النفس راحت وانها حامل وعلى وشك الولاده وقال انه رجع زوجته الاولى
والله نفسيتى تعبت حسيت انه كذاااااااااااااااااااااااب خداااااااااااااااااااااااااااااااااااااع
وجاب عياله عندى وشافونى انهبلو وبدوا اعجابهم فينى يقول مستحيل عمتنا سعوديه وحلوووووه كذا وحبوبه وطيبه
وحبيتهم من قلب ورحبت فيهم عشانه ومن حبي له وسويت كل شئ عشانه وهو ماااااااااا فكر فينى ولا يفكررررررررر
قال بطلع عيالى امشيهم لانهم محبوسين وهو توه واصل العصر وطلعهم المغرب وراح هو وياهم ومايحبهم يسولفون معى مدرى ليش شكله خايف من شئ
والمشكله انه اذا جى مايفكر يمشينى ولا يطلعنى
واذا جى من تمشيته مع عياله لقانى مصلحه حلا والعشا واستقبلهم بابتسامه
واليوم الثانى
ياكل وجبته ويلبس غترته ويطلع يقول عنده مشاوير ولا يحكيلى وش مشاويره ولا احب اسئله ثلاث مرات يطلع فى اليوم بعد الفطور والغدا و وبعد العشا اعرف انه يطلع يكلم بالجوال
ويقول لا تسئلنى من اكلم لانى اكلم زوجتى طيب وانا ليش ماتكلمنى
ووعلى ها الحال ويطلع
ويرجع فى الليل قلت له انا جالسه انتظرك طوووول الاسبوع وحابسه نفسي عشانك ولا تفكر وش تسوى عشانى
وقسما بالله ما احاول اسوى مشاكل معه انسئ وادعى ربي ودمووووعى تغسل وجهى ووزنى يخف ووجهى صار اصفر
وامى يالبئ قلبها تعبانه عشانى
مدرى وش اسوى وش الحل تعبت واعذرونى يمكن كلامى ملخبط لكن هذا اللى حظرنى
الله يوفقكم ساعدونى افزعولى ادعولى مدرى وش الحل
