تكفون ابي احسن دكتوره بالرياض

بنات الله يعافيكم انا حامل هالحين بالشهر الثالث ومعي مشاكل بالحمل وتعب لانه تؤام وبالشهور اللي راحت راجعت بالمستشفى الالماني عند استشاري وقالي على الشهر الرابع تحتاجين لعمليه ربط رحم وخايفه بصراحه واحس هذا المستشفى والدكتور ماديين مره وكمان راجعت بمستشفى احمد ابانمي بس عيبه الدكتورات وحده فلبينيه وحده هنديه ومايتكلموا عربي وبعدين المستشفى توه جديد ومتردده منه وودي بدكتوره شاطره بمستشفى اراجع عندها واستشيرها بموضوع عمليه ربط الرحم وبنفس الوقت اولد بنفس المستشفى طبعا غير مركز الحبيب لانه مو داخل بالتامين الله يخليكم اللي تعرف دكتوره شاطره ومستشفى كويس تقولي عليه لان تعبانه مره من الحمل
وياريت الدكتوره تكون متساهله بالاجازات المرضيه لاني موظفه
وعندي اخر سوال هل صحيح اللي تبع التامين مايحق لها تراجع مراجعة حمل في اكثر من مستشفى او مستوصف يعني تراجع بس في مستشفى واحد بس
ادري طولت عليكم وكثرت اسئله بس وش اسوي احتست ومالي غيركم بعد الله