تقلدني شقتها نسخه من شقتي رفعت ضغطي رأيكم؟

اخت زوجي تسكن بالشقة اللي فوقي متزوجه قبلي وثلاثة ارباع بيتها ما اثثته ولا فكرت اخر اهتماماتها

وبعد زواجي ..تنشطت استغفر الله لي ولها ..وبدأت كل ماتزورني القاها ماخذه فكرة من افكاري ومسويتها

طبق الاصل لا وتحطها بنفس المكان او بالجدار المقابل بما اننا نفس التصميم ..

يابنات والله اني مو حسوده واتمنى تكون شقتها ازين مني بألف مره بس ماحب احد يقلدني وحنا كذا كلنا

البنات مانحب التقليد ..خاصة انها تعزم كل اقرب زوجي كل فتره ويشوفون الاغراض عندها وانا مابعد جاني

احد لعدت ظروف مريت بها وحمل وسفر لاهلي وكذا ..يعني كل من راح يزورني بالمستقبل يتوقع انا مقلدتها

وانا والله اتعب تعب بتجميع الاشياء وتنسيق الالوان وتنظيمهم وهي تاخذها جاهزه مجهزه ..

قبل فترة قال زوجي بفصل دولاب للمخزن قالت ايه وشلون بتسوونه عشان بفصل انا بعد

يعني معقول بدولاب بتقلد؟؟؟ الله يهديها بس 😡

وازيدكم من الشعر بيت مطبخي نفس مطبخها بحكم انهم ركبوا مطابخ الشقق مع بعض ..وغرفت حريمي

برضه نفسها لانهم حاطينها قبل اجي ..كل مانشري شي تسأل زوجي من وين؟

قبل ايام عدلنا بحمامنا عزكم الله وامس يقولون ان فيه عمال جايين يعدلون حمامها وانتوا بكرامه وقتها عرفت

انها بتحط نفس التغييرات اللي حطيتهم مو شي يقهر؟؟ 😆 🙂

اللي ماقلتلكم اياه اني رسميه معاهم حيل وخجوله بعد يعني مقدر ادق من تحت لتحت مثل بعض الحريم

بس نفسي اوصلها رسالة بعدها تبطل تقلدني وربي تعبت ..ابي رأيكم ..ولا تقولون انه شي تافه ولا عادي

خليها تقلدك ..عندي مو تافه ولا عادي قمة القهر انا اتعب وهي تاخذ تعبي ..وع فكرة هي

تدخل منتديات وتشوف اكيد كل الافكار بس مدري ليش ماتاخذ الا افكاري