تقدملي واحد معاق محتاجه رايكم..

راح ادخل بالموضوع على طول انا مطلقه وعمري 35 وجميله ولله الحمد طبعا من تطلقت لي خمس سنوات كل اللي تقدمولي فيهم عيوب كثيييره واغلبهم متزوجين ويبغون يتزوجون بالسر….

الان تقدملي شاب ثلاثيني لم يسبق له الزواج لكنه معاق… هو مش مقعد لااا يمشي على عكاكيز ويسوق سياره ويروح ويجي … ويستحم بنفسه يعني ماعليه خلاف ..مايحتاج رعايه خاصه

اخته صديقتي واعرف من كلامها انه مره حنون وطيب ودمه خفيف ويعتمد عليه… وبعد ماخطبني قال لاخته لو توافق تتزوجني بحطها بعيوني…

انا صليت الاستخاره ومن داخلي مرتاحتله بس خاااايفه من نظرة المجتمع واهلي بالذات وولدي كمان… لان عندي ولد من زواجي الاول ماشالله في الثانويه يعني يفهم ماادري اش راح يكون تفكيره اذا شافه..

يعني اتوقع بيقول هذا مو احسن من ابوي ليش اتزوجتيه؟

بس بنفس الوقت عندي احساس كبير اني راح ارتاح مع هذا الانسان خصوصا انه سامع عن معاناتي من اول ماتطلقت لاني تعبت مررررره مع اهلي وعانيت الامرين ولازلت اعاني وهو كان يحن على وضعي كثير..

طيب لو وافقت كيف اواجه اهلي وولدي والمجتمع حاسه اني لازم اكون قويه جدا عشان مااتأثر بكلام الناس ونظراتهم…

على فكره هو خطبني من اخوي لاني عايشه عنده حاليا واخوي وافق وقالي انا مااشوف فيه عيب بالعكس كلامه مريح وانتي حره فكري وقرري..

المهم اني عايشه في صراع بين احساسي بالراحه تجاهه وبين خوفي من مواجهة المجتمع..

ارجوكم اعطوني حلول او تجارب مريتو فيها لان لي 3 ايام افكر ولسى ماعطيتهم خبر..

لاطنشوني

بالنسبه للي قالولي اشوف شوفه شرعيه انا شوفته بالفعل وشافني وعجبته بس منتظر ردي…