عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
من خلال بحثي في النت عن اسباب تأخر الحمل وانا افرفر بين المنتديات لقيت منتداكم
وصار لي كم يوم وانا اقره المواضيع بدون مااسجل
فقررت اسجل معاكم اليوم فاتمنى انكم تقبلوني صديقه جديده معاكم 😐
انا تقريبا صار لي سنتين وماحملت يعني شهر 8 (أغسطس) اكمل السنتين 😆 🙂
وكنت اتعالج عند دكتوره عشان تنظم لي الدوره لانها مو منتظمه عندي بس للأسف عفست هرموناتي كلها 🙁
غيرت الدكتوره من قبل 3 شهور تقريبا ويوم سوت لي تحليل البروجسترون تاريخ 21 من الدوره قالت لي ان الدكتوره السابقه عطتني ادويه غير مناسبه خلت الهرمونات والتبويض عندي يختل
يعني كانت نتيجة البروجسترون اقل من 1 🙁
وعطتني كلوميد اكل حبتين من ثاني يوم من الدوره ودافيستون من يوم 19 من الدوره لمدة اسبوع
والحمدلله الشهر اللي بعده زادت عندي نسبة البروجسترون الى 22 👿
والشهر اللي بعده زودت لي الكلوميد قالت لي اكلي 3 حبات مع بعض ونفس الشي طبعا الدفستون من تاريخ 19 من الدوره
ونتيجة التحليل البروجسترون للشهر الثاني كانت 44 ولله الحمد
واحين هذا خامس يوم من تركت الدافستون واحس بألم في اسفل الظهر واذا امشي كثير ينزل علي سائل بني واحس ان بطني منتفخ وغازات كثيره
بس سؤالي للي يستخدمون الدافستون بعد كم يوم تنزل عليكم الدوره بعد ماتتركون الدافستون؟؟؟
وادعوا لي اني اكون حامل لاني نفسيتي تعبانه من التفكير ابي افرح زوجي بطفل بعد هالصبر 
