عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
مساء الخير
اخباااركم وحشتوني مووووووت
يومين وافتقدتكم
يسلمووو للكل الي دعاء ليا
الحمد لله عدت الشبكه على خير
بس صااارت شويه لخبطات
عملنا الحفله في قاعة الرفيدي بجده حي السامر
الكوفيرا حجزت في صالون لمسات فرع الخالديه عند لطيفه مكياج وهاله تساريح
صالون قمه بالادب والاحترام والتعامل
حتى انو من الخمه نسيت التاج حقي بالبيت وكنت خايفه اتعطل بسببه بس عملت ليا التسريحه وبس وصل التاج ركبته ليا على طووول
المصوره حجزت عند استديو اللمسه الذهبيه موجوده هنا الي صورتني بالمنتدى
اسمها ام عبد العزيز انسانه قمه بالاخلاق بصراحه امس تعبتها معايا فوق ما تتخيلو لاني انزفيت زفتين ولبست فستانين وكل فستان له تصوير لوحده
وطلعتها ونزلتها كثيير اتوقع نحفت بسببي
مو عااارفه كيف اشكرها بجد بجد انصح الكل يتصور عندها
المطربه حجزنا عند الفنانه اسمها روز الكل مدحها بس ماما واخواتي ما عجبتهم يقولو تتنافخ كثيير وجلست تصرخ وتهددهم تقول بتروووح وهذا بعد ما اخذت فلوسها
اتفقنا تجي بدري لانو زفتي الساعه 11 بس للاسف جات الساعه 11 والساعه 11 ونص بدائت تغني
وتسكت كثييييير والى والى وبالقوه تبغاا الاورج شغاال طول الوقت
العشاء وطاولات الضيافه حجزناه من عند حلويات الروشه
وكان بجد يشرف والاكل حاار ولذيذ بنفس الوقت
مسكتي سويتها عند ازهار ريما فرع السلمانيه
ومعاها كاسة الاسكريم
وعقود الورد قدمتها لي ماما وام عريسي
واساور ورد رميتها من البلكونه على الحضور
فساتين الي لبستها الااثنين
واحد فصلته عند مشغل بيوتي في شارع فلسطين
والثاني خيطته عند هديل بالمساعديه
والحمد لله عدى الشبكه على خير وباذن الله بحاول انزل الصور قررريب
