تغيرت حياتي شوفو كييف

بنات .. ماجيتكم هنا اكتب من فضاوه لكل وحده فينا اشغال اللي يكفي الله لايشغلنا الا بطاعته يارب

بس ابقولكم عن اثر الصدقه بحياتي .. وربي الشاهد يابنات ماكتبت امن او عشان احد يعرف اني اتصدق بس

عشان اكسب اجر كل وحده فيكم بتدخلل وتقرا ..

زوجي عنده واحد من اصحابه ظروفه مره صععبه كنا مع بعض بمنطقه بس صارت له مشاكل طويله عريضه

بالعمل وانفصل وعنده 3 اطفال .. تخيلو بنات جلسو 4 سنين بدون عمل ووظيفه ولا دخل وظروف اسريه

اصعب ودايم زوجته تتصل وتشكي لي وقنوعه مشاء الله تبارك الله وتمرمطت بحياتها مع انها مو كبيره

عمرها بالعشرينات ..

كانت تمر علي ظروف صعبه انا وزوجي واتذكرها حالهم واوضاعهم وكيف ان محد مات من الجوع واحمد ربي

على النعمه هذي ع الاقل زوجي باقي بوظيفته ودخل وسياره وبيت ملك بس صاحبه ولا شي

يابنات تخيلو تقولي والله والله تمر علي ايام ماالقى حتى حفايظ الله يكرمكم لعيالي اذا جو بينامون احط

تحتهم سفر الاكل .. وكل ماسمعتها تشكي اجلس ابكي لمممما ادوخ

طبعا زوجي صديقه الروح بالروح ولو طلبه صاحبه هذا ولا معه ريال واحد يروح يتسلف ويعطيه يقول باذن الله

تنفرج علينا من ورى هالناس .. وربي يابنات مايعطيه زوجي حتى عشرين بطاقه شحن الا ترجع لنا اليوم

اللي بعده دبل

مره كنت حامل وتعبت مرررره وتنومت وماكنت بنفس المنطقه اللي فيها اهلي .. وربي صاحبه ذا جالس

مع زوجي لين 8 الصباح بالانتظار شايل همنا ويساعدنا حتى العربيه يجيبها لعندنا عشان اركب فيها

يودوني السياره

اذا احد اعطى صاحب زوجي فلوس لازم يعطي زوجي يقسمها بينهم يقول جمايلك مدري كيف اوفيها

مااكذب عليكم كنت اتضايق من جلساته مع زوجي وان احيانا نكون بحاجه الفلوس ويروح زوجي يعطيه

بس كان زوجي يقولي … كل ريال يروح تاكدي انه يضاعف لنا اذا مو بالدنيا باخرتنا وربي يبارك لنا بعيالنا

والله يابنات كنا ننزنق ونتسلف ونسافر ونجلس اسبوعين بعد الراتب نجمع الريالات ونحس مافيه بركه

ومن صرنا نساعد هالرجال وعياله والله الشاهد مايطلع حتى الريال من بيتنا الا يرجع دبل وكل مااشتدت

علينا الكرب تنفرج بشكل ماتصورونه

كان زوجي عليه ديون بالالوف وخسر بالاسهم وبلمحه بصر يدق عليه الهامور اللي خسر معه ورجع له

فلوسه والهامور ذا الوحيد اللي رجع فلوس اللي خسرو معه .. وكله من دعاء هذا الرجال وزوجته لنا

وربي يابنات صرت اتكلم عنهم حتى لااهلي ولصديقاتي وحتى اذا احد اعطاهم غيرنا تنفرج علينا احنا

مدري وش اقولكم وش اخلي حياتي تغيرت من بعدهم وماصرت اعرف شي اسمه وقت الراتب او زنقات

وسلف .. ويقولي زوجي وش يدعي لنا صاحبه والله العظيم ابكي من فرحه هالدعاوي اللي كل يوم

يارب يارب هذي دنيا فانيه بقدر ماتنفرج علينا بهالدنيا .. تفرجها علينا يوم لاينفع مال ولابنون واغفر لي بها

ذنوبي وخطاياي انا وزوجي واطفالي . وارزقنا بها جنتك ومغفرتك وحلمك وجنبنا بها عذاب جهنم

بنات ماابي منكم شي ولاابي تفكرون اني امدح نفسي هنا بس ابقولكم كيف تغيرت حياتي بسبب

هالصدقه وهالناس عرفناهم من بعيد لايقربون لنا ولا من جماعتنا ببس الطيبه والقناعه بقلوبهم

حالتهم بسيطه لااخر حد تتصورونه .. وعندهم مشاكل وديون وامراض بس سبحان الله تشوفينهم الضحكه

والرضا والكرم مايفارقهم .. اما اللي عنده فلوس وبصحه وعافيه نشوفه طول الوقت متضايق وزهقان

ويطمع في الزياده .. وفعلا اذا شفتي الناس اللي اقل منك تشكرين ربك على النعم اللي عايشين فيها

وكل ماناظرنا فوق كل ماتعبنا اكثر وخسرنا دنيتنا واخرتنا

ابي منكم فقط الدعاء لهم بتفريج الكربه وتييسسير حالتهم ..او ارفعو الموضوع للاجر لي ولكم ولهم