عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
هذي قصيده للشاعر الكبير …. بندر بن سرور
القصيده طوووويله شوي .. بس أتمنى أنكم تقرونهااا كامله .وانشالله راح تعجبكم
سر ياقلم مالي على الصبر طاقه
صبر(ن) تعدا الحد ماعاد ينطاق
اكتب لمثلي قصته وأشتياقه
في خطك الواضح على بيض الأوراق
قصة حزينن صافي المر ذاقه
اليا ذكر ماصارله خاطره ضاق
ضاقوبه الأصحاب والوقت باقه
وصار الضحيه بين بايق وبواق
يمشي وهو ماحس في كسر ساقه
امساء على ساقين واصبح على ساق
وهذي سوات الوقت شين اصطفاقه
الوقت لــــو يصفيلك ايـام درااق
ان شان قطع عنك كل العلاقه
وان زان خلالك مع الناس عشااق
ومن شان عنه الوقت وقلوا رفاقه
راحــت حياته كلها هم واذلاق
والله خلق خلق(ن) تحب اللباقه
كما خلق له خلق ماعندها اخلاق
احد(ن) يعيش بخير وحد(ن) بفاقه
وحد(ن) يعوق ايام وأيام ينعاق
وحد(ن) معه حكمه وصبر ورواقه
سبحان منهو للمخاليق خـــلاق
لاكن يامن معك صبر ووثاقه
ابنشدك كانك للأمثال تـشتاق
من رغب في فرقاك ارغب فراقه
جـــاز الذي يجيزك فراق بفرااق
وتعلم التعشيق قبل السواقه
لاتحسبنك بالدركسون سواق
ورزقك يجيك من دون تحضر بطاقه
وعند الله المعبود تقسيم الأرزاق
يقولها الي جاير الوقت عاقه
ولازال في غيبوبت الهم مافاق
من انعزاقه بادي(ن) بأنعزاقه
والي يوده صار شوفه بالأشفاق
ولا قال هذا القول قصده طفاقه
ماقال هذا غير من نار الأشواق
وسلامتكم
تـ ح ـيتي
❗
