عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم :
اية اللي حصل في ماتش الزمالك و الإفريقي ده ؟؟
اية التخللللللللف و الغبببباء و الجهل و التعصصصب و كل الصفات المنيلة اللي في الدنيا دي ؟؟؟
إحنا مش حنخلص من العالم المعتوهه اللي مبتعرفشي تحارب الا في الكورة و بس ؟؟
مصدقنا طلعنا من مصيبة ماتش الجزائر و البلاوي اللي حصلت .. ندخل على مصيبة أكبر !!!!!!!!!
لية و لمصلحة مين ؟؟؟؟ حسبنا الله و نعم الوكيل .. حسبنا الله و نعم الوكيل
مش عارفة لو اقلكم انا شامه ريحة بلطجية في الموضوع تقولوا فيرونا بقت موسوسه و خلاص اتجننت ..
بس اللي بيحصل ده مش طبيعي
ناس جايين بلدنا .. كسبوا أو خسروا و الزمالك أصلا بيكسب ماتش و يخسر عشرة .. مش جديد عليه الهزيمة أصلا …
قبل النهاية يلغى هدف للزمالك و هو فعلا غير صحيح لانه تسلل و انا عارفة كده لان جوزي كان مشغل الماتش لانه زملكاوي …
أبص قبل النهاية ألاقي نسبة من الجماهير نازلين الإستاد !!!!!!!!!!!!!!!!!!!!!!!!!!!!!!!!!!!
و بعدين عايزين يضربوا لاعيبه تونس !!!!!!!!!!!!!!
و بعدين لما لاعيبة الزمالك و بعض الأمن حموهم راحوا مكسرين في الإستاد !!!!!!!!!!!!!!!!!
كسروا استادنا… و بعدين جه الجيش و قبض على شوية منهم
و مناظر تقرف استغفر الله العظيم اللي نازل قالع التيشرت و اللي معرفشي ازاي …فضااااايح و الله فضااايح
ربنا يفضحكم زي ما فضحتوا مصر كلها ….
لية ؟؟؟ ..
بعد ما بهرنا العالم كله .. والمحطات الفضائية و الاخبارية مبهورة بينا و تقول أول مرة ثورة بعد ما تخلص تنضف الميدان اللي كانوا معتصمين فيه
بعد ما شفنا اساتذه الجامعة و المقعدين نازلين بينضفوا في بلدنا لانها بلدنا و لازم نحافظ عليها …
نشوف عالم غريبة متخلفة نازلة تكسر في استادنا عشان اتغلبنا و عايزة تضرب لاعيبة الفريق المنافس ….
و الله ده خيبة قوية …
ناس متعرفشي الحرب و لا الإعلام الا في الكورة و معندهاش ثقافة تقبل الهزيمة …
فضحونا .. الله يخرب بيت الكفرة فضحتونا ….
و الأمن كالعاده دائما .. فاضحنا
مش غريب عل أمن ساب بلده شهرين من غير شرطة انه يسيب الناس في الماتش تنزل تكسر في الاستاد و هو واقف لحد ما الجيش جه …..
أما الأخوة التوانسة .. فمش عارفة و الله الواحد يودي وشة منهم فين
في فريق من إئتلاف الثورة راحوا السفارة التونسية يقدموا اعتذار ….
و لازم الزمالك و اتحاد الكورة و مصر كلها تقدم اعتذار رسمي على الفضايح دي …و نقبل كل العقوبات اللي حيوقعها علينا الاتحاد الافريقي …
بالنسبة لينا احنا …
الدوري و الكاس و القرف ده كلة لازم يتلغي … لازم .. عشان دي بقت فرصة للمعاتية و البلطجية يعملوا شوشرة و يهيصوا في الهيصة ……
لما تبقى عندنا جماهير محترمة تعرف معني الروح الرياضية نبقى نلعب كورة
خلونا في الهم اللي ورانا… عالم فاضية صحيح ..
و لكل اخت تونسية .. و الله احنا آسفين جدا جدا جدا …
بالعكس احنا ندين لكم لان ثورتكم الهمتنا و شجعتنا و احنا اللي يقالنا سنين بنتسرق و نتعذب و هما شاغلينا بالكورة و الماتشات و الهبل ده ….
أحنا آسفين من قلوبنا …
و حسبنا الله و نعم الوكيل..
أنا كنت عايزة أكتب موضوعي بعد الماتش عالطول .. بس كنت لسة منزلة موضوع فقلت استنى لبعد الساعة 12 و انزله … معلشي …
حقكم علينا …….:(
ربنا يهدي الحال يا رب
