عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخباركم صبايا وش مسوين 
بصراحه ترددت كثييير اكتب مشكلتي مع انها في بالي من زمان
لكن مالقيت الوقت المناسب اللي ادخل واكتبها واقول لكم اللي
في خاطري
<< اخلصي بس 
حتى بالعزايم انا المسؤوله عن كل شي واختي اللي اكبر مني ابد ماعندها
شغل الا نوم ونت واكل ورب الكعبه اذا شفتها تشتغل تجيني صدمه 
ومن متى لمتى تطلع من غرفتها ومن تجلس معنا تطلع انواع الهوشات والانتقادات
حتى ابوي ماتحترمه وترفع صوتها عليه واذا كلمتها انا هاوشتني وتدعي علي دعاء يسم البدن
مع اني والله احبها واتمنى لها الخير ومااتمنى احد يشوفها ع خطأ او ينتقدها بشي
ومع هذا عدوتي اللدوده ماتواطني وحاطه دوبها بدوبي
ووالله اني مع هذا كله شايله كل شغل البيت فوق راسي واهلي يعاملوني كأني المسؤوله بالبيت عن كل صغير وكبير
وربي اتعب تعب من التنظيف وخصوصاُ انو بيتنا طابقين وكل الغرف امر وارتبها حتى غرفة امي وابوي
ارتبها يومياً مع غرف اخواني اللي يغثوون
والقهر مع اني ارتبه يومياً وابخره واغسل الارضيات الا انوو مايجي المغرب الا كأني ماسويت شي ابد
اخواني ماعندهم اهتمام الواحد يأكل ويرمي يطلع اكل من المطبخ ويرمي والحب والمكسرات يرمونها
بالممرات وربي انقهههههههههر اتعب ويروح تعبي بغمضة عين 
ومع انا 7 بنات محد يساعدني من خواتي الا اختي اللي اصغر مني ع طول مع انها تجي
متأخره من الجامعه واختبارات وقرف لكن تساعدني وساعات تمسكني وتقول حرام
اللي تسوينه في نفسك انتي ترتيبن وتنظفين ومحد حاس فيك 
واجلس يوم يومين انتظر احد من خواتي يرتب << مكانك راوح بالعكس عادي عندهم
ولا اهتمو ابد 
تعبت والله تعبت يابنات وامي المسكينه مابيها تشتغل ولا تسوي شي
يكفي شغلها واحنا صغار جاء الوقت اللي نقوم عنها ونخدمها
لكن خواتي يقهرووون اتكاليات لأبعد درجه
مع ان ابوي وامي ماقصروا معنا والله وحطوو نظام مكافئات كل شهر
للي ترتب واللي تطبخ احسن طبخه واللي يكون شغلها مرتب ع طول
لكن مثل ماقلت محد يشجع في عائلتنا ابد
مع اني والله امسك فيه واعطيهم محاظرات وامسك ع واحد واحد اجلس معهم
واقول لهم لا تسوون كذا لأنو كذا يتعب ابوي ويرفع ضغطه ويتطنزون فيني ويمشوون
ولا تقولون جيبو خدامه لأن ابوي معارضها كلش خير شر
مع ان بيتنا مره كبير لكن مافيه امل نجيبها
ابي حلول مفيده اسويها معهم وتفيد
