تعبت من زوجي ومن عدم إهتمامه فيني

انا من جد تعباااااااااااااااااااااااااانه
انقهر من زوجي وعدم مبالاته فيني لما أكون ضايقة او أبكي الحين انا أمر بمشكلة مره صعبة ومره متنرفزة والمشكلة متعلقة بأهلي لاتقولون قصرتي عليه او كثرتي كلام وطفشتيه اقولكم لا حياتي بالبيت كانت جداً طبيعية وانا عارفه إنه المشاكل برى ما تأثر على حياتي داخل البيت غير كذا مستحيل اتكلم عن اهلي كثير عنده ومشاكلهم لكن كنت اكلم ماما وتعبت بعد المكالمة لأنه المشكلة استفحلت

وسألني وش فيك قلت له انا مرررره متنرفزة ومو طايقة نفسي وما ودي أتكلم كثير تخيلوا طنشني ومشى وكأنه الحين زعلان علي انا مو قاهرني كثر الزعل اللي مو بوقته

وهو كذا من زماااااااااااااان كل ما أضيق يروح هو يضيق ويعصب علي ما يراعيني حتى لما كنت بشهر العسل جتني ضيقة قعدت اصيح تصدقون زعل علي !!! بس كلمت امي وانا تعبانه ابي ارتاح واخواني دروا لأني كنت برى السعودية قاموا يكلمونه يقولون هدها ما دروا إنه معصب علي وزعلان لكن رضخ وقام يهديني وراح مشاني وطلعني ودلعني ➡

وكذا مره كلمته قلت لاشفتني ضايقة لاتتركني عطني كلام حنون وأبيك تهديني لكن ماعنده أسلوب نهااااائي ومره كأنه فهم وقعد يكلمني وقعدت افضفض له وانقلب الكلام علي وقام يسب وحده من قريباتي ويسب مجتمع اهلي وزعلت منه وفهمته وقتها إن اللي سواه عيب وما أسمح له يتكلم على مجتمع اهلي وعاداتهم

انا من جد تعبني مع إني وربي الشاهد مدلعته خصوصاً المشاعر ومراعاتها حتى بشهادته هو ومو مقصرة عليه بشيء نهاااااائي وهو عارف هالشيء ومعترف فيه بس ليه ما يهتم فيني

والله من قوة المشكلة ما أكلت ولا شربت حتى المويه بس أبكي راح وزعل وطلع ومشى ولاسأل فيني حتى وربي وجهي صاير اسود من كثر ما انا زعلانه ومتنرفزة 😐