تعبت من اهل زوجي

كيفكم بنات ….. افيدوني الله يجزاكم خير

انا معروفه عند اهلي واقاربي اني ما اتحمل الحسد والعين ..واي شي يصير معي فيه فرحه او خير ينقلب بعده بساعات الى هم وحزن

يعني ما الحق افرح بشي

الحين يابنات اشترينا قطعه ارض وبعد ماعرفوا اهل زوجي بداو يحسدوا ويقولو فلوسكم كثيره و…..

وقطعه الارض الحين حولت حياتي نكد والله يشهد على كلامي …نكد وحزن عظيم …لان قطعه الارض مو راضيه تنباع ولا زوجي يقبل يبني الارض بيت لنا يقول انه ما يحبها وكذا

اريد حل مليت طهقت احس بروحي راح امرض او يصير فيني شي من الحزن والزعل

ولما اشتري ذهب والبسه ويشوفوه بنفس اليوم يصير معي شي اما زوجي يتخانق معي بدون سبب او احد اطفالي يمرض او انا امرض

ولما اسافر …..يحصل نفس الشي اما خناقه بيني وبين زوجي وتفسد الرحله او مرض لي

وهذا كله بسبب العين والحسد والغل الي في قلوب الناس وهم اهلنا وما يحبون الخير لنا

وانا تاكدت من هذا الشي لما وحده من قريباتي عندها علاقه مع بيت اهل زوجي وتفاجات البنت من كلامهم علي كله حسد ونق وماعندهم احد بالدنيا غيري يتكلمون عنه ويحسدوه